10.09.2015 / 17:14

Чацверакласнік — сын міліцыянера — дапамог затрымаць педафіла 5

У Мінскай вобласці школьнік дапамог затрымаць педафіла. 

Як паведамляе УУС Мінскага аблвыканкама, у канцы жніўня 11-гадовы вучань адной са школ Заслаўя расказаў бацьку аб тым, што на працягу апошніх некалькіх дзён у сацыяльнай сетцы «ВКонтакте» з ім перапісваецца незнаёмы мужчына. Мала таго, падазроны чалавек прапанаваў хлопчыку сустрэцца. 

Бацька хлопчыка — аператыўны супрацоўнік галоўнага ўпраўлення па наркакантролі і процідзеянні гандлю людзьмі МУС зразумеў, што размова можа ісці аб сур'ёзным злачынстве. Падчас сустрэчы ва ўмоўленым месцы мужчына быў затрыманы. Ім аказаўся 28-гадовы нідзе не працуючы жыхар Мінска. Мужчына не змог выразна растлумачыць мэты сустрэчы з малалетнім дзіцем. 

Вывучэнне мабільнага тэлефона затрыманага і іншыя аператыўна-вышуковыя мерапрыемствы паказалі, што на працягу некалькіх месяцаў мужчына перапісваўся з некалькімі малалетнімі хлопчыкамі. Увайшоўшы ў давер, ён прапаноўваў некаторым з іх сустрэцца ў малалюдных месцах, абяцаючы за гэта перавесці на іх рахункі ў інтэрнэт-гульнях віртуальныя грошы — так званыя «бонусы». 

Папярэдне ўстаноўлена, што як мінімум у дачыненні да аднаго з малалетніх хлопчыкаў мужчына пры сустрэчы ўчыніў гвалтоўныя дзеянні сексуальнага характару. 

Упраўленнем СК па Мінскай вобласці ў дачыненні да затрыманага расследуецца справа па ч. 3 арт. 167 КК. Праводзяцца далейшыя следчыя дзеянні і аператыўна-вышуковыя мерапрыемствы. 

Начальнік упраўлення па наркакантролі і процідзеянні гандлю людзьмі УУС Мінскага аблвыканкама падпалкоўнік міліцыі Алег Сільвестровіч наведаў школу, дзе вучыцца хлопчык, які дапамог затрымаць небяспечнага злачынцу. У прысутнасці аднакласнікаў падзякаваў яму за садзеянне міліцыі і ўзнагародзіў каштоўным падарункам — мабільным тэлефонам.

БелаПАН

0
Юрась Беларус / Адказаць
10.09.2015 / 18:07
Гэтак і павінна быць - людзі павінны быць актыўнымі, расказваць аб тых правапарушэннях, сведкамі якіх яны сталі. А то ў Еўропе, калі чалавек едзе па шашы на павышанай хуткасці, са 100 чалавек, якія ўбачылі гэта, яго здадуць праваахоўным органам 99, а ў нас - калі 1 набярэцца, гэта будзе вельмі добра. Трэба праводзіць розніцу паміж стукальніцтвам, якое звязанае з нянавісцю да чалавека, дзеянні якога насамрэч хутчэй за ўсё не ўтрымліваюць правапарушэнняў, і дапамогі праваахоўным органам у выпадках, калі правапарушэнне трэба тэрмінова спыніць. Людзі, не займайцеся стукальніцтвам, але дапамагайце праваахоўным органам! Прычым не толькі тады, калі ў Вас бацька - міліцыянт, але і ў ва ўсех іншых выпадках, калі правапарушэнне трэба тэрмінова спыніць.
0
гарадзенка / Адказаць
10.09.2015 / 19:56
Юрась Беларус, заклік Ваш правільны, але ў Беларусі невыканальны. У Еўропе міліцыянты абараняюць чалавека, а ў нас зусім наадварот. Ніхто не хоча звязвацца, таму што "зацягаюць" у пастэрунак даваць паказанні. У мяне асабіста двойчы быў вопыт зварота ў міліцыю. Першы адбыўся калі на мяне напалі сабакі, праўда мне ўдалося самой адбіцца. Пасля майго званка цэлы нарад міліцыі прыехаў куды бы Вы думалі? да мяне дахаты, хвілін 40 пісалі паперы, заставілі ісці на мейсца "збродні" і нічога не зрабілі, сабак як выгульвалі без наморднікаў і ланцужкоў, так і да гэтай пары ўсё без змен. Другі больш страшны выпадак, днём амаль у цэнтры я была свядкам калі дарослы мужчына збіваў дзіця. Пасля майго званка ў міліцыю дапамогі ніякай не было, а мяне проста зацягалі, нават на працу прыходзілі браць паказанні. Цяпер я проста ўпэўнена, што так робіцца для таго, каб чалавек да іх не звяртаўся ніколі.
0
Наташа / Адказаць
10.09.2015 / 20:36
Какой смышленый мальчик.И отец,наверное,хороший,если с сыном контакт есть,сейчас дети не очень охотно идут на контакт с родителями,предпочитая социальные сети.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру