Аварыя адбылася сёння пасля 15.00 у пасёлку Фабрычны.
Грузавік, гружаны драўнінай, збочваў налева і ўдарыў у кола ровар, на якім насустрач ехаў хлопчык. Следам за юным веласіпедыстам рухаўся яго бацька, мужчына не пацярпеў. Дзіця з траўмай галавы дастаўлена ў бальніцу.
ДАІ просіць відавочцаў дапамагчы ў вышуку кіроўцы грузавіка і пры наяўнасці інфармацыі звярнуцца ў дзяжурную частку. Аўтамабіль можа мець пашкоджанні, характэрныя для дарожнага здарэння. Дакладная марка, колер аўто і рэгістрацыйныя знакі не вядомыя. Як мяркуецца, гэта ЗІЛ альбо ГАЗ.
0
0
0
0
0
0
