16.09.2015 / 01:27

Расіяне ў трансе ад беларускага Глыбокага ФОТЫ 73

Расійскі блогер aquatek-filips пабываў у Глыбокім (Віцебская вобласць). Свае ўражанні ён апублікаваў пад загалоўкам «Як выглядае горад, у якім мэр не злодзей».

Як вы думаеце, дзе зроблена гэта фота і што за будынак на ім? Скажаце, які-небудзь пансіён або рэзідэнцыя дзесьці ў Еўропе? Нічога падобнага. Гэта звычайная школа ў звычайным райцэнтры з 18 тысячамі жыхароў. У Беларусі. У краіне, якую многія называюць беднай і дыктатарскай. Прычым Глыбокае, пра якое ідзе гаворка, — гэта нават не прыгарад Мінска, гэта глыбокая правінцыя: адсюль да сталіцы 160 кіламетраў ўспомніце, як выглядаюць райцэнтры ў 200 км ад Масквы, напрыклад Таржок.

І акуратная школа з лужком і набярэжнай — не адзінае, што кідаецца ў вочы ў гэтым мястэчку.

Ідэальная чысціня, парадак, ніякіх закінутых і недабудаваных аб'ектаў, усюды ўсё пафарбавана, газоны дагледжаныя, на вуліцах разметка, ніякіх смеццевых бакаў і брудных пад'ездаў, паўсюль мора кветак і… дзяцей.

Пагуляўшы па Глыбокім, я для сябе зрабіў зусім пэўную выснову — гэта самы круты правінцыйны гарадок, які я бачыў на прасторах былога СССР.

Глыбокае — раённы цэнтр у Віцебскай вобласці, у якім жыве крыху менш за 20 тысяч чалавек.

Горад месціцца на Старой Смаленскай дарозе паміж Вільняй і Полацкам і вядзе сваю гісторыю з 1414 года.

Калісьці даўно належаў двум багатым сем'ям — Корсакам і Зяновічам, якія дзялілі горад прыкладна напалову. На тэрыторыі горада налічваецца 5 азёр, адно з якіх, Глыбокае, і дало назву гораду.

Цяпер, акурат, пра мэра.

На кожным кроку відаць, што ўлады займаюцца горадам, сочаць за яго чысцінёй і развіваюць. Натуральна, падобную карціну ў тэорыі мы маглі б назіраць у любым горадзе нашай неабсяжнай краіны, у любым раённым цэнтры ці вёсцы. Але не назіраем.

Чаму? Пытанне рытарычнае і адказ на яго кожны можа знайсці для сябе сам.

Я пацікавіўся ў мясцовых жыхароў, дзе жыве мясцовы мэр і на чым ён ездзіць.

Адказы былі наступнымі. У мэра няма ніякага асабняка з трохметровым плотам і іншымі абавязковымі атрыбутамі сучасных топ-чыноўнікаў. Жыве Алег Морхат ў прыватным доме на дзве сям'і, як жыве тут мноства іншых жыхароў Глубокага. Машыны мае дзве — УАЗ Патрыёт, на якім мэр выязджае ў палі, і Mitsubishi Outlander. Кажуць, раней ездзіў таксама на службовай Toyota Camry, але апошнім часам яе не відаць.

Магчыма, з адказам на пытанне «чаму горад чысты і дагледжаны» ўсё вельмі проста? Магчыма, рэч усяго толькі ў тым, што ўлада займаецца сваімі прамымі абавязкамі, а не набіваннем кішэняў? Асабіста мне здаецца, што ўсё менавіта так і ёсць у Глыбокім…

0
КВ / Адказаць
16.09.2015 / 07:53
Дзякуй. Магчыма, і лазьню мэр арганізаваў. Вось толькі лаўка з незразумелым для мяне стварэньнем, якое, відаць, крычыц. Ну і попельніца... Нейкі "экстраванант" гэтыя цікавосткі прыдумляў. Але не, сьмецьця не відаць. Спадзяемся, што сьметніцы там есьць, а то ў Менску можаш пяцьсот мэтраў прайсьці, а сьметніка няма.
1
Гісторык. / Адказаць
16.09.2015 / 07:59
Няма ў РБ ніякіх мэраў.
0
фунт / Адказаць
16.09.2015 / 08:18
Уважаемый акватек-филипс ошибается. В Глубоком, да и нигде в в Беларуси, НЕТ МЭРА! Мэр — это выборная должность. У нас есть председатель исполнительного комитета города. Также нет в Беларуси губернаторов. Хотя многие это забывают.
Паказаць усе каментары/ 73 /
Каб пакінуць каментар, калі ласка, актывуйце JavaScript у наладах свайго браўзеру