Школьнік з Наваполацка злавіў у Заходняй Дзвіне тыгровага сома, радзіма якога — Амазонка, паведамляе тэлеканал ОНТ.
Здабыча была ў даўжыню амаль паўметра, важыла — 1,3 кг.
«На закідзе дзесятым адчуў добрую моцную паклёўку, адразу ж пайшоў супраціў. Я думаў, гэта шчупак, але, калі выцягнуў гэтую рыбу, у мяне была маса эмоцый, шок, я не ведаў, што гэтая за рыба. Пашча, як у асятровых, афарбоўка, як у змеегалова, вусы, як у вусача. Версій шмат, але ні на тое, ні на тое не падобная», — распавёў рыбак Макар Макараў.
Адказ знайшлі ў Сусветнай павуціне. Як можна меркаваць, рыбу хтосьці выпусціў у раку з акварыума.
Тыгровы сом — драпежнік, жыве ў рэках Цэнтральнай Амерыкі, жыве ў цёплай вадзе. Малькі растуць вельмі хутка, паглынаючы любую даступную здабычу.