Дасьледніцкі цэнтар Brookings Institution апублікаваў «Рэйтынг слабасьці дзяржаў». У ягоных рамках была ацэненая 141 дзяржава сьвету. Аэнкі праводзіліся на аснове чатырох галоўных індыкатараў: сытуацыі ў эканоміцы, палітыцы, бясьпецы й сацыяльнай сфэры.
Пры ацэнцы сытуацыі ў эканоміцы ўлічваліся такія паказьнікі, як тэмпы росту нацыянальных эканомік, доля валавага ўнутранага прадукту на душу насельніцтва, тэмпы інфляцыі, разрыў у даходах між багатымі й беднымі, а таксама якасьць дзяржаўнага кіраваньня.
Пры ацэнках палітычнай сытуацыі — эфэктыўнасьць працы ўладаў, ступень вяршынства закону, адкрытасьць і падсправаздачнасьць уладаў, ступень кантролю за карупцыяй і ўзровень асабістай свабоды.
Пры ацэнках сфэры бясьпекі браўся да ўвагі ўзровень палітычнай стабільнасьці, наяўнасьць або адсутнасьць унутраных канфліктаў, частата й інтэнсіўнасьць парушэньняў правоў чалавека і інш.
Сацыяльная сфэра аналізавалася на падставе такіх паказьнікаў, як узровень дзіцячай сьмяротнасьці, даступнасьць адукацыі, чаканая працягласьць жыцьця, доступ насельніцтва да водаправоду й каналізацыі ды інш. Гэтыя паказьнікі выбіраліся з спэцыялізаваных справаздач розных структураў ААН і вядомых дасьледніцкіх арганізацый.
У першую дзясятку найбольш слабых дзяржаў трапілі:
- Самалі,
- Афганістан,
- Конга,
- Ірак,
- Бурундзі,
- Судан,
- Цэнтральна‑афрыканская Рэспубліка,
- Зымбабвэ,
- Лібэрыя й
- Кот Д’Івуар.
З краінаў былога СССР найгоршая сытуацыя склалася ў Туркмэністане й Узбэкістане, якія занялі адпаведна 35‑е і 36‑е месцы.
- Таджыкістан апынуўся на 42‑й пазыцыі,
- Расея — на 65‑й,
- Кыргызстан — на 73‑й,
- Азэрбайджан — на 80‑й,
- Беларусь — на 81‑й,
- Малдова — на 88‑й,
- Казахстан — на 89‑й,
- Грузія — на 90‑й,
- Армэнія — на 105‑й
- Украіна — на 107‑й,
- Латвія — на 136‑й,
- Літва — на 138‑й.
Для параўнаньня,
- Пакістан апынуўся на 33‑м месцы,
- Усходні Тымор — на 43‑м,
- Кенія — на 50‑м,
- Альжыр — на 57‑м,
- Сырыя — на 59‑м,
- Куба — на 62‑м,
- Іран — на 66‑м,
- Індыя — на 67‑м,
- Кітай — на 74‑м,
- Віетнам — на 83‑м,
- Лібія — на 86‑м,
- Турцыя — на 98‑м,
- Лібан — на 93‑м,
- Сэрбія — на 108‑м,
- Аргентына — на 115‑м,
- Польшча — на 135‑м.
Рэйтынг замкнулі (то бо гэтыя краіны ёсьць найбольш устойлівымі) Славакія, Вугоршчна й Чылі.
У цэлым, аўтары рэйтынгу разьнесьлі дзяржавы па пяці асноўных катэгорыях:
- «збанктуртаваныя дзяржавы» (напрыкалад, Афганістан, Самалі, Конга),
- «крытычна слабыя дзяржавы» (Ірак, Паўночная Карэя, шэраг краін Цэнтральнай Афрыкі)»,
- «слабыя дзяржавы» (у гэтую групу трапілі Туркмэністан, Узбэкістан і Таджыкістан поруч з Пакістанам, Вэнэсуэлай, Камбоджай, Ляосам, Мазамбікам і інш.).
- У чацьвёртую групу — дзяржавы, якяі патрабуюць увагі, — унесеныя Беларусь, Расея, Кыргызстан і Азэрбайджан, разам з Кітаем, Індыяй, Інданэзіяй, Намібіяй, Эгіптам, Калюмбіяй ды інш.
- Пятая група аб’ядноўвае дастаткова моцныя і ўстойлівыя дзяржавы — у яе занесеныя Малдова, Казахстан, Грузія, Армэнія, Украіна, Латвія й Літва.