Ілюстрацыйнае фота
Пейнтбольны клуб B-Zone арганізоўвае вялікую сцэнарную гульню па матывах мульціка «Выспа скарбаў». Сцэнар будзе агалошаны бліжэй да падзеі.
Сама гульня адбудзецца 3 кастрычніка на найлепшай пейнтбольнай пляцоўцы Беларусі пад Баранавічамі, якая абсталяваная драўлянымі замкамі, акопамі, ды іншым, неабходным для дынамічнай гульні.
Чакаецца блізу 250 удзельнікаў з усёй краіны.
Цана ўдзелу залежыць ад камплектацыі, якую абярэ ўдзельнік.
Так, удзел і 2000 шарыкаў прэміум-класа абыдуцца ў суму, эквівалентную 50 уе.
Удзел і 1000 шарыкаў абыдуцца ў суму, эквівалентную 35 уе.
Калі ў ахвотнага згуляць няма свайго пейнтбольнага абсталявання, яго можна будзе ўзяць у арэнду за 180 тысяч з чалавека. У гэтую суму ўваходзіць камуфляж, абарона цела і пейнтбольная зброя.
Апроч таго ў цану ўдзелу ўваходзіць абед і спецыяльнае шоу для ўдзельнікаў, якое зладзіць конны клуб «Троя».
Таксама на тэрыторыі намётавага лагера будзе арганізаваны гандлёвы аб'ект.
Сувязь з арганізатарамі можна трымаць праз мабільны тэлефон: +375 29 222-88-84 (Вячаслаў), альбо праз сацыяльныя сеткі. Старонка мерапрыемства тут.
Мінулая вялікая сцэнарная гульня па матывах «Уладара пярсцёнкаў» сабрала блізу 200 чалавек з Беларусі і замежжа. Для ўдзельнікаў было арганізаванае рыцарскае шоу. Фоты з мінулай гульні можна глянуць тутака.
Момант з папярэдняй вялікай сцэнарнай гульні. Фота: Intex-press
Глядзіце таксама відэа ад «Нашай Нівы»:
