21.09.2015 / 14:23

Статкевіча на заўтра выклікаюць у суд, Някляева — у міліцыю удакладнена 6

Былы палітвязень Мікалай Статкевіч і экс-кандыдат Уладзімір Някляеў на 22 верасня выкліканыя ў суд Цэнтральнага раёна Мінска.

Пікет 10 верасня, фота Сяргея Гудзіліна.

Пра гэта БелаПАН паведаміў старшыня Аб'яднанай грамадзянскай партыі Анатоль Лябедзька.

Паводле яго слоў, абодва палітыкі цяпер знаходзяцца за межамі Беларусі. «Ніхто ім у рукі позвы не ўручаў, яны за іх не распісваліся. Хутчэй за ўсё, яны ведаюць гэтую інфармацыю ад хатніх. Наколькі я ведаю, гэтыя апавяшчэнні з грубейшымі працэдурнымі парушэннямі», — распавёў Лябедзька.

Ён выказаў здагадку, што позвы ў суд дасланыя ў сувязі з правядзеннем 10 верасня каля ГУМа несанкцыянаванага пікету «За сумленныя і свабодныя выбары», у якім удзельнічалі Статкевіч і Някляеў. У дачыненні да абодвух палітыкаў тады былі складзеныя адміністрацыйныя пратаколы. Лябедзька не выключыў, што аналагічную позву могуць даслаць і яму, бо ён таксама быў на пікеце.

Нагадаем, Мікалай Статкевіч пасля выхаду на волю 22 жніўня пастаўлены на прафілактычны нагляд тэрмінам на восем гадоў.

Хочаш падзяліцца важнай інфармацыяй ананімна і канфідэнцыйна?

0
Ruslan / Адказаць
21.09.2015 / 14:29
Белорусский prison break, сериал "Выборы". 5-ый сезон ...
0
Пл. Свабоды / Адказаць
21.09.2015 / 14:47
абодва палітыкі цяпер знаходзяцца за межамі Беларусі? У сераду іх не будзе?
0
смешно / Адказаць
21.09.2015 / 15:32
В прошлый раз Лебедько за Романчука сидел. Сейчас за Некляева со Статкевичем?
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру