21.09.2015 / 14:50

Лукашэнка: Мы ўсяму свету паказалі, што мы ўмеем рабіць 5

Прамыя кантакты з расійскімі суб'ектамі гаспадарання з'яўляюцца асновай гандлёва-эканамічнага ўзаемадзеяння і фундаментам адносін Беларусі і Расіі.

Гэта адзначыў Аляксандр Лукашэнка сёння на сустрэчы з губернатарам Ульянаўскай вобласці Сяргеем Марозавым.

Кіраўнік дзяржавы сказаў, што гэта сустрэча — працяг нядаўняй размовы, якая была пачата на высокім узроўні ў Сочы. «Там адбылася не проста размова, а было прадэманстравана наша адзінства і жаданне развіваць супрацоўніцтва, — упэўнены кіраўнік Беларусі. — Мы ўсяму свету паказалі, што мы ўмеем рабіць — рукамі, галавой. І сённяшнюю сустрэчу можна лічыць працягам сочынскіх перагавораў, сустрэч, кірмашоў».

Аляксандр Лукашэнка адзначыў важнасць таго, што Ульянаўская вобласць з'яўляецца прызнаным лідарам Расіі ў аўтамабіле- і авіябудаванні. Пры гэтым рэгіён імкнецца быць адным з перадавых у пашырэнні прыватнага бізнесу і прыцягненні буйных інвестараў.

Беларускія прадпрыемствы звязаны з вытворчасцямі Ульянаўскай вобласці адзіным тэхналагічным ланцугом. Яны пастаўляюць у гэты расійскі рэгіён аўтакампаненты, помпы, рухавікі і сілавыя ўстаноўкі. Лукашэнка лічыць, што трэба не проста прадоўжыць гэту работу, а задзейнічаць увесь існуючы патэнцыял і пашыраць сферы двухбаковага супрацоўніцтва.

Хочаш падзяліцца важнай інфармацыяй ананімна і канфідэнцыйна?

0
Вася / Адказаць
21.09.2015 / 15:29
Што умеем рабiць добра, дык гэта клянчыць грошы. На болей нашага правадыра не хапае. Прас...лi мiнпрам ушчэнт, зараз апк на чарзе. На сустрэчы з аднiм кiраунiком птушкафабрыкi пачуу ад яго, што раней мы рассею кармiлi, а зараз Яна нас будзе кармiць. I такi настрой у большасцi кiраунiкоу прадпрыемствау.
0
чужой / Адказаць
21.09.2015 / 15:43
надо уже привыкать к такому уровню встреч .да и пиво из молока это только у нас могут делать ноу-хау понимаешь
0
NavuchencaBK / Адказаць
21.09.2015 / 18:58
Гэта гэтак! Адмовіліся ад нацыянальных сімбаляў; аддалі ядравую зброю, якой маглі б іх бараніць; у носе калупайма падчас пытаньняў, дзе наш былы Міністр абароны, сп., сп. Ганчар, Завадзкі ды інш.; цяперака клянчым з шчырым пачуцьцем, што майма, чым ганарыцца. Мы яшчэ ня ўсё паказалі...
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру