21.09.2015 / 17:26

Статкевіч не збіраецца ісці ў суд заўтра, Някляева таксама выклікаюць 7

Мікола Статкевіч не мае намеру ісці 22 верасня ў суд, дзе будзе разглядацца пратакол аб адміністрацыйным правапарушэнні, складзеным у дачыненні да былога палітвязня 10 верасня за арганізацыю несанкцыянаванага пікета каля сталічнага ГУМа.

Пра гэта Статкевіч паведаміў БелаПАН 21 верасня па дарозе з нацыянальнага аэрапорта Мінск.

«Еду з аэрапорта і атрымліваю СМС на тэлефон, што суд Цэнтральнага раёна Мінска запрашае мяне ўжо заўтра ў дзесяць гадзін раніцы на працэс з нагоды пратаколу, складзенага на мяне 10 верасня, — сказаў Статкевіч. — Там няма ні зваротнага тэлефона, нічога. Падумаў, хакеры нейкія. Праз гадзіну атрымаў званок на мабільны тэлефон, пачынаюць казаць тое ж самае. Я кажу, што не ведаю, хто вы такі, чаго я туды пайду, тым больш што і мой адвакат на гэтым тыдні заняты. Да таго ж, па законе, і тэрміны ўстаноўленыя, за колькі дзён трэба запрашаць у суд. Я сказаў, што не прыйду, дасылайце позву. Кажуць, што даслалі, але я яе не атрымліваў».

На думку Статкевіча, яго выклік у суд «задуманы, каб напалохаць людзей, якія збіраюцца прыйсці 23 верасня на плошчу Свабоды на сустрэчу выбаршчыкаў». «Відаць, яны баяцца, што ўзровень страху ў грамадстве памяншаецца, што прыйдзе шмат людзей. Таму яны вырашылі спалохаць, але не мяне, а людзей. Я не баюся, і вы не бойцеся, колькі можна баяцца? Без страху жыць нашмат здаравей і прыемней. Смешна спалохаць мяне, пасля ўсяго таго, што было. Я нядаўна палічыў, што правёў сем гадоў разнастайных відаў абмежаванняў, пачынаючы ад адміністрацыйных», — сказаў палітык.

Позва на 22 верасня прыйшла яшчэ аднаму ўдзельніку пікету 10 верасня — лідару аргкамітэта па стварэнні грамадскага руху «За дзяржаўнасць і незалежнасць Беларусі» Уладзіміру Някляеву. Аднак, паводле звестак БелаПАН, Някляева выклікаюць да 11.00 не ў суд, а ва ўпраўленне ўнутраных спраў Цэнтральнага раёна Мінска. Ці пойдзе ён туды, пакуль невядома.

Варта адзначыць, што абодва палітыкі толькі сёння ўвечары вярнуліся ў Беларусь з-за мяжы.

Хочаш падзяліцца важнай інфармацыяй ананімна і канфідэнцыйна?

0
А / Адказаць
21.09.2015 / 17:59
"Смешно испугать меня, после всего того, что было" То ли еще будет оеей (
0
Лёва / Адказаць
21.09.2015 / 18:19
ну и не пойдёт - и ничего ему не будет. нет подписи в повестке или о получении заказного письма-гуляйте... другой вопрос, что могут составить акт об отказе от подписи в повестке - и тогда привет, принудительный привод в суд... а это уже веселее будет...
0
катастофа прызнанне дыктатуры / Адказаць
21.09.2015 / 19:33
Я не баюся, і вы не бойцеся, колькі можна баяцца? Без страху жыць нашмат здаравей і прыемней. http://nn.by/?c=ar&i=156723 Моцныя Словы ! Нарэшце ў Беларусі з.явіўся ЛІДАР а не "палітбізнесмены" і "смактуны грантаў! тыпу Адбелівацеля М. Жыве Беларусь ! Толькі Мікалай і яго прыхільнікі змогуць зрабіць тое каб Захад не прызнаў вынікі выбарчага фарсу-2015 і лукашэнку легітымным кіраўніком краіны... Посьпехаў !
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру