21.09.2015 / 18:39

Трое падлеткаў з прыкметамі наркатычнага ап'янення затрыманыя ў пагранічнай зоне 3

Днём 20 верасня на чыгуначнай станцыі Харсы ў Брэсцкім раёне за парушэнне пагранічнага рэжыму былі затрыманыя трое грамадзян Беларусі 1997, 1998 і 1999 гадоў нараджэння. 

Як паведамляе Дзяржаўны пагранічны камітэт, маладыя людзі былі з яўнымі прыкметамі наркатычнага ап'янення. Пры вобыску ў аднаго з іх быў знойдзены празрысты пакецік 5х5 см з рэчывам расліннага паходжання цёмна-зялёнага колеру. Усе трое ў розны час прыцягваліся да крымінальнай адказнасці. 

«Маладыя жыхары Брэста ў літаральным сэнсе дэманстравалі «палёт думкі» і ўвесь час спрабавалі ўразіць пагранічнікаў разнастайнасцю нелагічных версій пра мэты візіту ў пагранічную зону», — гаворыцца ў паведамленні пагранведамства. 

Затрыманыя прызнаныя парушальнікамі пагранічнага рэжыму. Пасля разбору яны перададзеныя супрацоўнікам міліцыі.

Хочаш падзяліцца важнай інфармацыяй ананімна і канфідэнцыйна?

0
ггггг / Адказаць
21.09.2015 / 18:51
Па-беларску правільна казаць "Трох падлеткаў ... затрымалі"
0
Наркатрафiк Канекрада / Адказаць
21.09.2015 / 19:10
У пагранiчнай? Можа у памежнай?
0
Мікола / Адказаць
21.09.2015 / 22:25
нашчадкі Пясэцкага 8-))) той таксама пад сінькай праз мяжу шмыгаў (трэба адзначыць, больш паспяхова за хлопцаў)
Каб пакінуць каментар, калі ласка, актывуйце JavaScript у наладах свайго браўзеру