Глабальны фонд па барацьбе са СНІДам, туберкулёзам і малярыяй паведамляе, што за час сваёй працы з 2002 года здолеў выратаваць 17 млн жыццяў.
Аўтары свежай справаздачы фонду, заснаванага Сусветнай арганізацыяй аховы здароўя і заснавальнікам Microsoft Білам Гейтсам, тлумачаць, што такога выніку ўдалося дамагчыся дзякуючы дасягненням у галіне аховы здароўя па ўсім свеце.
Глабальны фонд, у прыватнасці, фінансуе праекты па масавым укараненні антырэтравірусных прэпаратаў і забеспячэнні мільёнаў дзяцей супрацьмаскітнымі сеткамі.
