12 сакавіка ў Слуцку і Салігорску пісьменнікі Уладзімір Арлоў і Алесь Пашкевіч праводзяць сустрэчы са сваімі чытачамі. Адбудзецца прэзентацыя кнігі «Імёны свабоды» і рамана‑дакумента, прысвечанага Слуцкаму паўстанню, «Пляц волі».
Упершыню ў гэтых гарадах адбудзецца прэзентацыя кнігі «Дарога» старшыні Рады БНР, слыннай дзеячкі беларусай дыяспары Івонкі Сурвіллы.
Слуцк: 12 сакавіка а 17 гадзіне, каард. Курыльчык Мікола (тэл.маб.: (029) 657 90 45).
Салігорск: 12 сакавіка а 19 гадзіне, каард. Шыла Іван (тэл.маб.: (029) 370 02 04).
Запланавана сустрэча пісьменнікаў і з жыхарамі горада Мазыра на 15 сакавіка (падрабязнасці будуць дадаткова).
— Яшчэ адна літаратурная сустрэча з чытачамі адбудзецца 20 сакавіка ў Маладэчна. Вольга Іпатава падчас сутрэчы прэзентуе кнігу, якую выдала МГА «ЗБС «Бацькаўшчына», — «Мы стваралі сваю Беларусь» Вольгі Грыцук. В. Іпатава з’яўляецца ўкладальніцай гэтай кнігі.
— 13 сакавіка, у чацвер, у Гародні ў 18.30 бард Зміцер Бартосік прэзэнтуе сваю праграму прысвечаную 90‑годддзю БНР. Слухачамі новай праграмы ўжо былі палачане і салігорцы. Новая праграма — гэта вядомыя ўсім вершы Акуджавы, Вярцінскага, Высоцкага ў перакладзе на беларускую мову.
Напачатку канцэрта адбудзецца прэзентацыя кнігі журналіста Севярына Квяткоўскага «Фрашкі да пляшкі». «Фрашкі да пляшкі» — зборнік кароткіх гісторый з жыцця вядомых беларускіх палітыкаў, музыкантаў, літаратараў, мастакоў, журналістаў, а таксама паспалітых людзей: выкладчыкаў, міліцыянераў, рабочых…
Імпрэза адбудзецца: Гродна, вул. Будзёнага, 48а‑44 (памяшканне Таварыства Беларускай Школы).