ВПС ЗША плануе ўзброіць свае знішчальнікі лазернай зброяй у не такой ужо далёкай будучыні, сказаў начальнік штаба амерыканскай авіяцыі генерал Марк Уэлш, паведаміў сайт scout.com.
breakingdefense.com
Уэлш не сказаў, калі плануецца атрымаць баяздольны лазер для авіяцыі, аднак падкрэсліў, што менавіта ў гэтым кірунку будуць весціся асноўныя навуковыя распрацоўкі.
Прадстаўнікі Лабараторыі ВПС ЗША таксама паведамілі парталу breakingdefense.com, што плануецца атрымаць 100-кілаватны лазер, які можна паставіць на сучасны знішчальнік, ужо ў 2022 годзе.
Спецыялісты прызнаюць, што распрацаваць лазер патрэбнай магутнасці, які б быў дастаткова лёгкім, будзе складана. Магчыма, спачатку будуць весціся працы, каб усталяваць лазерную пушку на самалёты кшталту AC-130 — лятучыя артылерыйскія платформы, пабудаваныя на базе транспартнікаў С-130.
Наземныя выпрабаванні баявых лазераў у інтарэсах авіяцыі пачнуцца ўжо ў гэтым годзе. Зараз ужо існуюць баявыя лазерныя ўстаноўкі, якія выпрабоўвае на сваіх караблях амерыканскі флот.
