29.09.2015 / 19:46

Украінскія авіякампаніі атрымалі тэлеграму аб забароне лятаць у Расію 3

Авіякампаніі «Міжнародныя авіялініі Украіны» і «Матор Січ» атрымалі апавяшчэнне Расавіяцыі аб забароне на палёты ў Расію з 25 кастрычніка.

«Апавяшчэнне Расавіяцыі атрыманае. Вымушаныя скасаваць усе ўласныя рэйсы ў Маскву, Санкт-Пецярбург і Калінінград і вярнуць грошы за неаказаныя паслугі. Чыстыя страты МАУ складуць каля 10 млн даляраў у год», — паведаміла прэс-сакратар «Міжнародных авіяліній Украіны» Яўгенія Сацкая.

Паводле яе слоў, санкцыі таксама істотна знізяць аб'ём транзіту ў аэрапорце «Барыспаль».

«Міжнародныя Авіялініі Украіны» — найбуйнейшая авіякампанія краіны, выконвае ў тыдзень 14 рэйсаў па маршруце Кіеў-Масква і тры рэйсы па маршруце Адэса-Масква.

Атрыманне тэлеграмы Расавіяцыі пацвердзілі і ў авіякампаніі «Матор Січ» — адносна невялікай авіякампаніі, самалёты якой лётаюць раз у дзень па маршруце Запарожжа-Масква.

Палёты ў Расію выконвае таксама «Днеправія» — прадстаўнікі гэтай авіякампаніі пакуль не паведамлялі аб атрыманні апавяшчэння Расавіяцыі.

Яшчэ адна ўкраінская авіякампанія — Yanair — толькі планавала з 26 кастрычніка пачаць палёты з Кіева ў Маскву, але, як паведаміў прадстаўнік перавозчыка, пасля ўвядзення расійскай забароны было вырашана замарозіць адкрыццё рэгулярнага авіярэйсу ў Расію.

Забарона міністэрства транспарту Расіі на палёты ўкраінскіх самалётаў над расейскай тэрыторыяй была ўведзеная ў якасці меры ў адказ на антырасійскія санкцыі ўкраінскага ўрада.

Указ прэзідэнта Пятра Парашэнкі аб увядзенні новага тыпу санкцый у дачыненні да Расіі і іншых краін, «якія маюць дачыненне да анексіі Крыма і агрэсіі ў Данбасе», быў апублікаваны 17 верасня. У спіс увайшлі 388 фізічных і больш за 100 юрыдычных асоб.

У чорны спіс кампаній, для якіх Украіна закрыла сваю паветраную прастору, трапілі найбуйнейшыя расійскія авіяперавозчыкі — «Аэрафлот», «Трансаэра», «Сібір», «Расія», «Уральскія авіялініі», «Арэнбургскія авіялініі» і іншыя. Не трапіла пад санкцыі толькі кампанія «Ютэйр».

0
беларос / Адказаць
29.09.2015 / 20:17
Вось і вынік санкцый Украіны: самі сябе высеклі бізуном.
0
nwail / Адказаць
29.09.2015 / 23:40
беларос, статью надо читать - это месть. Авіякампаніі «Міжнародныя авіялініі Украіны» і «Матор Січ» атрымалі апавяшчэнне Расавіяцыі аб забароне на палёты ў Расію з 25 кастрычніка. Из-за первоначального запрета убытки перечисленных российских компаний будут не меньше - Украину придётся облетать вокруг. Если уж очень хочется возразить, то вспомните, что РФ никто не заставлял вводить запрет на ввоз продуктов и т.д.
0
Ліцьвін / Адказаць
29.09.2015 / 23:58
Да троля з мянушкай "беларос": Калі гэта супраць оркаў на ўсходзе, то братам-украінцам можна і трэба біць іх да апошняга. Горш калі ворагам Народа з`яўляецца так званы перасідэнт...
Каб пакінуць каментар, калі ласка, актывуйце JavaScript у наладах свайго браўзеру