Аўтобусныя рэйсы з так званай «ДНР» у Беларусь пачнуць курсіраваць у бліжэйшыя дні пасля ўзгаднення маршрутаў з беларускім бокам. Пра гэта, як паведамляе Данецкае агенцтва навін, на прэс-канферэнцыі ў Данецку 2 кастрычніка заявіў намеснік «міністра транспарту ДНР» Аляксандр Кушнір.
«Дакументы перавозчыкам практычна сабраны, цяпер ён знаходзіцца ў Беларусі. Цяпер усё ўзгадняюць, і будуць запушчаны аўтобусы на Мінск і яшчэ некалькі гарадоў. Гэта пытанне некалькіх дзён», — сказаў чыноўнік акупацыйнай адміністрацыі занятай расійскімі сіламі часткі Данбаса.
Наладзіць аўтобуснае злучэнне з Беларуссю праз Расію ў ДНР спрабуюць ад мінулага лета.
0
0
0
0
0
0