07.10.2015 / 18:12

Дактары: Электронныя цыгарэты шкодзяць як курцу, так і навакольным 9

Курэнне электронных цыгарэт наносіць шкоду як курцу, так і навакольным, паведаміла 7 кастрычніка на прэс-канферэнцыі ў Мінску загадчыца лабараторыі артэрыяльнай гіпертаніі РНПЦ «Кардыялогія» Вольга Паўлава. 

Паводле яе слоў, звыштонкія часціцы, некаторыя хімічныя таксіны, якія выдзяляюцца электроннымі цыгарэтамі, небяспечныя для навакольных. У вадкасці для запраўкі электронных цыгарэт выяўленыя цяжкія металы, а ў аэразолях, якія генерыруюць электронныя цыгарэты, утрымліваецца высокатаксічны нікацін, які выклікае развіццё і падтрыманне псіхічнай і фізічнай нікацінавай залежнасці. 

Асабліва небяспечныя электронныя цыгарэты для падлеткаў, у якіх адбываецца развіццё нікацінавай залежнасці нават у выніку адзінкавых выпадкаў курэння электронных цыгарэт. Гэта абумоўлена ўтрыманнем у іх высокатаксічнага нікаціну, сказала доктар. 

Шкода ад курэння цыгарэт у цэлым для арганізму і сардэчна-сасудзістай сістэмы ў прыватнасці з'яўляецца даказаным навуковым фактам. Для падлеткаў курэнне — самы магутны фактар з тых, што ўплываюць на развіццё сардэчна-сасудзістай паталогіі ў будучыні, адзначыў загадчык кафедры кардыялогіі і рэўматалогіі Беларускай акадэміі паслядыпломнай адукацыі Андрэй Прыстром. 

Доктар асобна адзначыў шкоду пасіўнага курэння. «Людзі, якія знаходзяцца з курцом у адным памяшканні, атрымліваюць шкодны эфект ад цыгарэт на 80—90%. Зразумела, гэту праблему трэба вырашаць», – сказаў доктар. 

Ён звярнуў увагу на тое, што ў беларускіх гарадах ёсць толькі асобныя зоны, дзе забаронена курэнне. Тым часам у тых еўрапейскіх гарадах, дзе курэнне забароненае ў грамадскіх месцах, за адзін-два гады паменшылася колькасць людзей, шпіталізаваных з інфарктам міякарда, сказаў Прыстром.

0
Тихий Дон / Адказаць
07.10.2015 / 18:58
Курите "Табак-инвест" короче. Всё понятно) Горизонт эл. сигары выпустить не в состоянии. Космические технологии понимаш;))) Забей бырёк примки и буть доволен.
1
' / Адказаць
07.10.2015 / 19:15
Хто б сумявауся, што тое халера яшчэ тая
0
Sandman / Адказаць
07.10.2015 / 19:17
если смеси чисто и без никотина.. просто ароматы
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру