07.10.2015 / 20:41

Арганізатараў акцыі супраць расейскіх баз выклікаюць у суд 9 кастрычніка 2

Усе ўдзельнікі акцыі «За мірную, нейтральную Беларусь», якая адбылася 4 кастрычніка ў Мінску на плошчы Свабоды, на якіх складзеныя пратаколы аб адміністрацыйным правапарушэнні, выкліканыя ў суд Цэнтральнага раёна Мінска 9 кастрычніка. Пра гэта паведаміў лідар грамадскага руху «За дзяржаўнасць і незалежнасць Беларусі» Уладзімір Някляеў. 

Раней было вядома, што 9 верасня да 10.00 у суд выкліканыя старшыня Аб'яднанай грамадзянскай партыі Анатоль Лябедзька — учора ён атрымаў смс-паведамленне ад суда. 

Някляеў удакладніў, што яму таксама даслалі аналагічнае паведамленне, паэт выкліканы ў суд Цэнтральнага раёна ў той жа дзень да 14.30, аднак ісці на пасяджэнне не збіраецца, паколькі не змяняў сваю пазіцыю адносна дзейнасці гэтай судовай інстанцыі і ўсёй беларускай судовай сістэмы ў цэлым (раней Някляеў заявіў пра недавер судам). 

Паводле інфармацыі палітыка, 9 верасня ў суд Цэнтральнага раёна выкліканыя і ўсе астатнія ўдзельнікі акцыі 4 кастрычніка, на якіх міліцыянеры склалі пратаколы аб адміністрацыйным парушэнні на падставе арт. 23.34 КоАП (парушэнне парадку арганізацыі ці правядзення масавых мерапрыемстваў). Сярод іх экс-палітзняволены Мікалай Статкевіч, лідар руху «Разам» Вячаслаў Сіўчык, які вярнуўся з палітэміграцыі, актывіст апазіцыі з Кобрына Алесь Мех, мастак Аляксей Марачкін. 

Некляеў удакладніў, што разгляд спраў прызначаны на розны час.

Хочаш падзяліцца важнай інфармацыяй ананімна і канфідэнцыйна?

0
Алесь Таўстыка. / Адказаць
07.10.2015 / 21:07
А мяне таксама выклікалі на 14.30! Пра мяне Някляеў не паведаміў?Засмуціўся маім выступам? Спачатку даслалі смс брату, але праслушка прымусіла сакратара ператэліць брату і папрасіць прабачэньне, а смс даслалі мне!
0
Дзядзька у Вiльнi / Адказаць
07.10.2015 / 21:32
А ўзгаднiць з уладамi розуму не хапiла? Навошта падстаўляць сваiх прыхiльнiкаў ды проста неабыякавых людьзей? Ды даводьзiць да штрафаў i бяз таго небагатых? Падаецца, што Статкевiч знарок правакуе ўлады. Бо ёсць зацiкаўленасьць надаць выбарам нелегiтымнасьць, мо пры якiх iншых абставiнах ды стане кандыдатам? Нам на самой справе патрэбна такая апазiцiя, якая мо ня умее прагназаваць рэакцыю ўлад, а мо неклапоцiцца аб паслядоўцах. А мо толькi аб сваёй шкуры клапоцiцца, га?
Каб пакінуць каментар, калі ласка, актывуйце JavaScript у наладах свайго браўзеру