Заўтра ў Осла будзе абвешчана імя лаўрэата Нобелеўскай прэміі міру. Букмекеры працягваюць гадаць, хто ж атрымае ўзнагароду.
Безумоўным лідарам на дадзены момант з’яўляецца канцлер Германіі Ангела Меркель.
Большасць букмекерскіх кантор прымае стаўкі на яе з каэфіцыентам 1,25 да 1. Апошнім немцам, хто атрымліваў такую ўзнагароду быў канцлер ФРГ Вілі Брант у 1971 годзе.
Далей ідуць прадстаўнікі Афрыкі: доктар-гінеколаг з Дэмакратычнай Рэспублікі Конга Дэніс Муквеге (4,5 да 1) і каталіцкі святар з Эрытрэі Мусі Зэраі (5 да 1).
Крыху ўпалі шанцы папы Францішка (5 да 1). Шанцы расійскай «Новай газеты» ацэньваюцца як 7 да 1.