93+ хвіліна
Усё, матч скончыўся. БАТЭ саступіў з лікам 0:2. Усім дзякуй, хто сачыў за анлайнам на сайце nn.by.
90-ая хвіліна
Да асноўнага часу гульні дададзена тры хвіліны. Дыктар павесяліў, кажа: «Паспеем ім яшчэ троечку пакласці?»
88-ая хвіліна
Класічная сітуацыя, калі адны не хочуць, іншыя - не могуць. Хутчэй бы ўжо свісток.
86-ая хвіліна
Які трылер у матчы «Баер» — «Рома» — 4:4!
85-ая хвіліна
Усё, пацягнуліся людзі са стадыёна. Ім у спіну крычаць: «Вы што, не верыце ў каманду?»
84-ая
За гэтыя хвіліны Мілунавіч і Карніцкі атрымалі па жоўтай картцы. У нашых папярэджанняў ужо пяць штук.
81-ая хвіліна
Мазалеўскі на полі. Вяртанне ў вялікі футбол (гульня ў Віцебску не лічыцца) форварда пасля двухгадовага перапынку. Дзмітрый, поспехаў!
80-ая хвіліна
Аголенай Ганны Бонд «Барысаў-Арэна» сёння не пабачыць.
77-ая хвіліна
А вось і ён! Удар у створ! Зноў Сігневіч. Ну гэта хоць нешта. Канечне, для тэр Стэгена гэта не надта складаная работа, але больш радасна стала.
75-ая хвіліна
Ёсць першы ўдар! Абаронца «Барселоны» блакаваў стрэл Сігневіча. Можа, і першы ўдар у створ неяк народзіцца.
72-ая хвіліна
«Барселона» выкарыстала ўсе замены. Апошнім памянялі Бускетса, які доўга перадаваў капітанскую павязку партнёру.
69-ая хвіліна
Вельмі хочацца хоць адзін удар БАТЭ па варотах пабачыць. А то статыстыка ну зусім сумная — 0:19. 0:19, Карл!
68-ая хвіліна
Вось так гулец, што выйшаў на замену, зрабіў вынік для «Барселоны». Неяк крыўдна, мог БАТЭ сёння зачапіць большае.
66-ая хвіліна
Неманью Нікаліча памяняў Яўген Яблонскі.
65-ая хвіліна
Ракіціч — 0:2! Усё, пара сканчваць гульню, пакуль яшчэ болей не адхапілі.
62-ая хвіліна
Першая замена ў БАТЭ. Замест Максіма Валадзько выйшаў Карніцкі.
55-ая хвіліна
«Барселона» проста пачынае катаць нашага чэмпіёна. Трэба нейкая эмацыйная зарадка хлопцам Ермаковіча. Трыбуны, аў! Дапамагайце!
53-ая хвіліна
Нэймар адчаяна біў па браме Сяргея Чэрніка. На шчасце, прайшоў мяч міма.
52-ая хвіліна
Неяк разгубіліся трыбуны пасля прапушчанага гола любімай каманды. Дарэчы, фанаў «Барсы» не бачна зусім.
48-ая хвіліна
Нядоўга музыка грала. Адразу пасля перапынку Ракіціч вывеў «Барселону» наперад ударам з-за межаў штрафной — 0:1.
45-ая хвіліна
Перапынак. 0:0! З трыбун крычаць: «Перамагаць!»
43-ая хвіліна
Зноў жоўтымі карткамі абмяняліся каманды. У «Барселоне» папярэджанне атрымаў Алвес, у нашых — Максім Валадзько.
42-ая хвіліна
Ну нарэшце нейкі ўсполах у атацы ў БАТЭ. Але партугальскі арбітр ужо запаліў афсайд.
39-ая хвіліна
Што творыць «Рома»! Ужо — 2:2. У Барысаве ж усё дастаткова сумна, таму даводзіцца адрывацца на іншыя матчы. «Барса» атакуе без аганька, БАТЭ абараняецца вельмі чотка.
37-ая хвіліна
«Рома» адквітала адзін мяч у матчы з «Баерам» — 1:2. У нас па-ранейшаму 0:0.
33-ая хвіліна
Статыстыка. Удары па варотах: 8:0 на карысць «Барселоны». У створ варот: 4:0.
30-ая хвіліна
Бускетс упусціў, мабыць, пакуль самы рэальны шанец у матчы. Міма. БАТЭ гуляе досыць дысцыплінавана.
29-ая хвіліна
Дзяніс Палякоў атрымаў папярэджанне за зрыў атакі. Перад гэтым жоўтую ў «Барселоны» займеў Бускетс. Па картках — 1:1.
25-ая хвіліна
Фінт Максама Валадзько выклікаў экстаз на трыбунах. Шкада, пакуль ніводнай уцямнай атакі правесці не атрымліваецца.
23-ая хвіліна
Трыбуны незадаволена свісцяць, калі з мячом працягвае валодаць «Барса». «Фуууууу», — чуецца з трыбун.
21-ая хвіліна
Тым часам у іншым матчы нашай групы нямецкі «Баер» перамагае ў італьянскай «Ромы» — 2:0. Бедная «Рома», то ад БАТЭ адхапілі, то ад «Баера».
20-ая хвіліна
БАТЭ зноў адбіўся. Баюся ссурочыць, але пакуль вельмі-вельмі-вельмі грозна «Барса» не выглядае. Хіба што проста «вельмі грознай».
19-ая хвіліна
Стадыён, канечне, забіты пад завязку.
Неймар толькі што не здолеў перакінуць Чэрніка. Чарговы кутні.
17-ая хвіліна
Ужо адбылася першая замена. Поле пакінуў Серджа Раберта, уступіў — Іван Ракіціч.
16-ая хвіліна
Варта адзначыць, што ніякі дублюючы склад барселонцы не выпусцілі на гульню. На газоне і Суарэс, і Неймар.
14-ая хвіліна
Ёсць складанасці з падключэннем да інтэрнэту. Пакуль можна смела сказаць, што ў складзе БАТЭ геройствуе галкіпер Сяргей Чэрнік. Ужо тры разы ягоныя бліскучыя сэйвы ратавалі каманду.
БАТЭ ж нарэшце пачаў пераходзіць на чужую палову поля. Праўда, да штрафной яшчэ не даходзілі.