21.10.2015 / 15:14

Віталь Цыганкоў: Чатыры пункты, якія Караткевіч не выканала 36

Упершыню ў жыцьці я не хадзіў на прэзыдэнцкія выбары. Мая пазыцыя не была перадвызначаная, яна карэктавалася ў залежнасьці ад сытуацыі і заяваў палітыкаў, — і як мне здаецца, яна дастаткова пасьлядоўная. Паспрабую гэта даказаць і патлумачыць – пры тым не ўжываючы такіх паняцьцяў, як «мараль» ці «годнасьць».

Я апрыёры быў супраць байкоту, бо ня бачыў у грамадзтве сілаў і настрояў наладзіць сапраўдны масавы байкот уладзе, як гэта рабілі, напрыклад, касавары супраць сэрбскай улады, маральна і эканамічна яе ігнаруючы. Я быў за «барацьбу», а не за «канапу».

Першы ўдар атрымаўся, калі апазыцыя ня пажадала дамовіцца пра агульнага кандыдата. Што зробіш, ідзем далей. Калі вылучыліся Калякін і Лябедзька, то я нават абараняў Лябедзьку, бо быў упэўнены, што ён ня будзе падгульваць уладзе, а знойдзе той варыянт удзелу, які падпадае якраз пад маё разуменьне слова «барацьба». Да каманды Караткевіч у мяне ад пачатку не было ніякіх нэгатыўных пачуцьцяў.

Калі Караткевіч засталася адна і адпаведна сама стала называць сябе адзіным дэмакратычным і апазыцыйным кандыдатам – натуральна, што і ўвага і патрабаваньні да яе сталі больш высокія. Функцыя прэсы, камэнтатара ў тым і палягае, каб знаходзіць памылкі, задаваць рэзкія пытаньні, крытыкаваць праграму. Я гэта і рабіў, але разам з тым запрашаў яе ў эфір, яе прыхільнікі ў маіх перадачах былі прадстаўленыя ня менш чым прыхільнікі байкоту. Мне было шокам, калі некаторыя прадстаўнікі каманды Караткевіч пачалі бегаць па ФБ і нападаць на ўсіх, хто недастаткова захапляецца іхняй кандыдаткай.

Палітычная праграма Караткевіч была далёкая ад таго, што адпавядае маім палітычным прыхільнасьцям. Ладна, хай сабе гэта «ня мой кандыдат». Але ж у нашай сытуацыі гэта ня мае вызначальнага значэньня, я зусім не пераборлівы, я прагаласаваў бы за «умоўнага Калякіна» – кандыдата, далёкага ад мяне палітычна, але які б ставіў задачай рэальна процістаяць гэтай аўтарытарнай сыстэме ўлады.

Што мы маем у выніку?

1. Кандыдат «ня мой», вельмі далёкі ад мяне па каштоўнасных і палітычных перакананьнях. Выступае за сацыялізм і саюз з Расеяй.

2. Кандыдат паказала, што такія выбаршчыкі, як я, яе каманду ня вельмі і цікавяць. Яна зьвяртаецца да «балота» (прабачце, «пераходнага электарату»), а такі баласт, як БНФ, можна і скінуць, як было заяўлена.

3. Каманда кандыдата паводзіла сябе ў сацыяльных сетках даволі агрэсіўна, накідваючыся ня толькі на тых, хто быў прынцыпова супраць Караткевіч ці супраць удзелу, а нават на тых (як я), хто даволі мякка крытыкаваў яе ці нават проста недастаткова захапляўся яе заявамі і выступамі. Складвалася такое ўражаньне, што еднасьць дэмакратычных сілаў іх ня вельмі хвалюе, скажам мякка.

Але самае галоўнае — 4. Кандыдат ( у маім разуменьні) не праявіла ніякіх прыкметаў рэальнай барацьбы, заяўляючы пра магчымае прыняцьцё пэўнай пасады ад улады. То бок не зьбіраецца зрынаць гэтую ўладу (што мне здаецца самым галоўным – а пра спосабы можна дыскутаваць), а не супраць увайсьці ў яе. Кандыдат не зьбіралася ніякім сур’ёзным чынам адстойваць свае працэнты, галасы сваіх выбаршчыкаў.

У выніку ў такіх выбаршчыкаў, як я, проста не засталося варыянтаў.

0
Алег / Адказаць
21.10.2015 / 15:19
Что то у Цыганкова всё бомбит
0
Міхась / Адказаць
21.10.2015 / 15:20
Хм, дзіўна, мне здавалася, што гэта асоба ўжо нікому не цікавая... То бок не, усё правільна напісана, але так бы мовіць, ужо не актуальна :)
0
Фауст / Адказаць
21.10.2015 / 15:36
А я да апошняга вагауся,исци ци не на выбары.Але кали даведауся, што Караткевич плануе дазволиць А.Г.Лукашенка яшчэ два прэзидэнцких тэрмина, то усе адразу стала на сваи месцы. Пасля А.Дзмитрыеу штосьци там казау, што мауляу не так зразумели и гэтак далей...Усе мы дакладна и дауно зразумели. Сорамна и няемка за таких кандыдатау.
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру