У Мінску з 1 лістапада адмяняецца работа тралейбусных маршрутаў нумар 41 ДС «Уручча-2» - ДС «Малініна», нумар 42 ДС «Уручча-4» — ДС «Дражня», паведамілі ў ДУ «Сталічны транспарт і сувязь».
Карэктывы ўнесены ў сувязі з пачаткам чарговага этапу будаўніцтва транспартнай развязкі па прасп. Незалежнасці — вул. Філімонава.
Узамен арганізуецца работа часовых аўтобусных маршрутаў нумар 941 ДС «Уручча-2» - ДС «Малініна», нумар 942 ДС «Уручча-4» — ДС «Дражня» па трасах руху, аналагічных тралейбусным маршрутам нумар 41, 42 адпаведна.
Пасажырам, якія маюць шматразовыя праязныя дакументы на тралейбус, даецца права праезду без дадатковай аплаты ў аўтобусах маршрутаў нумар 941, 942 па 30 лістапада.
0
0
0
0
0
0
