18.03.2008 / 18:51

Існаваньне ТБМ знаходзіцца пад пагрозай 14

Зварот Рады ТБМ.

Зварот Рады ТБМ.

Паважаныя грамадзяне Рэспублікі Беларусь!

З 24 красавіка 2008 года ўступае ў моц Указ Прэзідэнта Рэспублікі Беларусь № 533, у адпаведнасці з якім памер арэнднай платы для большасці грамадскіх недзяржаўных арганізацый, якія не займаюцца камерцыйнай дзейнасцю, непамерна павышаецца. Гэты Указ закране і ТБМ. Так, напрыклад, толькі за памяшканне, якое займае ТБМ па вул. Румянцава, 13 у Мінску, трэба будзе плаціць 846,5 еўра у месяц.

Такім чынам, у нашай краіне можа спыніць сваю дзейнасць больш за 1000 грамадскіх арганізацый, што ствараюць сённяшнюю грамадзянскую супольнасць. З гэтай нагоды мы звяртаемся да вас, шаноўныя прыхільнікі роднай, матчынай мовы з просьбаю аб дапамозе.

Першае — гэта ахвяраванні. Калі 5000 чалавек ахвяруе на дзейнасць ТБМ тысячу рублёў кожны месяц, то мы можам існаваць і ў гэтых умовах. Наш рахунак: № 3015212330014 у Гардырэкцыі ААТ Белінвестбанка, код 764.

Другое, вельмі просім вас накіроўваць у органы дзяржаўнай улады лісты з патрабаваннем захаваць паніжальны каэфіцыент 0,1 за 1 кв. м. на аплату арэнды за памяшканне для ўсіх недзяржаўных і некамерцыйных грамадскіх арганізацый, якія дзейнічаюць на абсягу нашай краіны.

Прынята на пасяджэнні Рады ТБМ 16,03.2008 г.

0
tat / Адказаць
20.03.2008 / 00:48
Абавязкова трэба пакласці, усім. ТБМ, трымайцеся!
0
Кнехт / Адказаць
20.03.2008 / 08:27
Першае — гэта ахвяраванні. Калі 5000 чалавек ахвяруе на дзейнасць ТБМ тысячу рублёў кожны месяц, то мы можам існаваць і ў гэтых умовах. Наш рахунак: № 3015212330014 у Гардырэкцыі ААТ Белінвестбанка, код 764. ==================== Ну, ніхто ж не будзе кожны месяц дасылаць па адной тысячы рублёў. Трэба адразу ахвяраваць на год - мінімум 12000 бел руб ад кожнага з пяці тысяч ТБМаўцаў. На жаль і лісты дасылаць будзе актыўная меньшасць, а вось падпісацца - гэта мы з ахвотаю. Дзе можна падпісацца за паніжальны каэфіцыент (0,1) для грамадскіх арганізацый?
0
Віталь з Менску / Адказаць
20.03.2008 / 14:11
Калі размесцяць на сайце якім квітанцыю, дык грошай збярэцца ў 2 разы больш.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру