25.10.2015 / 17:53

Яраслаў Раманчук: Што такое беднасць у ЗША 11

Бюро перапісу насельніцтва ЗША апублікавала даклад аб стане беднасці ў ЗША. Зафіксавана рэкордная колькасць бедных - 46,2 мільёна або кожны сёмы. Прывядзём некалькі фактаў пра жыццё бедных у Амерыцы.

- 80% бедных жывуць у дамах з кандыцыянерамі, а ў 1970 г. толькі 36% усіх амерыканцаў мелі кандыцыянеры;

- У 92% бедных хатніх гаспадарак ёсць мікрахвалевая печ;

- у амаль 3/4 усіх бедных хатніх гаспадарак ёсць аўтамабіль або грузавік; у 3/5 бедных сем'яў маецца два і больш транспартных сродкаў;

- у 2/3 бедных маецца кабельнае або спадарожнікавае тэлебачанне;

- у 2/3 сем'яў ёсць, як мінімум, адзін DVD плэер;

- у паловы бедных сем'яў ёсць камп'ютар;

- больш чым у паловы бедных сем'яў ёсць сістэма відэагульняў (Xbox або PlayStation);

- У 43% бедных сем'яў ёсць доступ у інтэрнэт;

- у кожнай трэцяй беднай сям'і ёсць тэлевізар плазма ці LCD;

- 96% бацькоў у бедных сем'ях заявілі, што іх дзеці ніколі не адчувалі голаду, таму што няма за што было купіць ежу;

- 83% бедных сем'яў заявілі, што ў іх дастаткова харчавання;

- 82% дарослых бедных заявілі, што ніколі не галадалі на працягу года з-за таго, што не было грошай купіць ежу;

- 49,5% бедных сем'яў жывуць у асобных дамах, 40% - у кватэрах, толькі 9,5% жывуць у мабільных дамах, на працягу года толькі 4% бедных сем'яў часова засталіся без жылля;

- сярэдні бедны амерыканец мае больш жылой плошчы, чым сярэднестатыстычны (а не бедны) швед;

- сярэдняе спажыванне бялкоў, вітамінаў і мінералаў практычна такое ж у бедных, як у сярэдняга класа і значна вышэй рэкамендаваных нормаў.

Так што беднасць адносная. Так што калі вам у наступны раз будуць казаць, што ў Амерыцы ўсё яшчэ «неграў лінчуюць», а капіталізм не мае чалавечага твару, ацаніце гэтыя лічбы. Калі беларускі студэнт за лета можа зарабіць нават $ 10 тысяч, беднасць у пераважнай колькасці выпадкаў з'яўляецца выбарам самога чалавека ці вынікам яго адносінаў да працы, сям'і і сяброў.

0
Ihar / Адказаць
25.10.2015 / 18:32
Усё добра, пакуль цытуюцца голыя лічбы. А з высновамі у аутара сапраудная праблема. Ідэалагічная слепата.
0
akm132 / Адказаць
25.10.2015 / 19:28
Спадарства, вывучайце тэорыю пытаньня. Беднасьць ёсьць катэгорыяй адноснай - дазод ніжэй за 50% ад сярэдняга. Таму пры ўсёй нелюбові да Раманчука ў гэтым пытаньні ён мае абсалютную рацыю...
0
Прокопович / Адказаць
25.10.2015 / 20:03
В Беларуси все живут в достатке
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру