6 лютага Аляксандар Мілінкевіч, Лявон Баршчэўскі, Анатоль Лябедзька і Мікола Статкевіч падалі заяўку на акцыю па наступным маршруце: ад плошчы Якуба Коласа да опэры.
На думку Івашкевіча, афіцыйны адказ павінен прыйсьці цягам гэтага тыдня. Але ў любым выпадку акцыя пройдзе па заяўленым маршруце. Палітык адзначае, што акцыя будзе насіць мірны характар. Каб падкрэсьліць гэта, заяўнікі шэсьця просяць прыходзіць а 18:00 на плошчу Якуба Коласа з кветкамі ў руках. Гэта патрэбна яшчэ і для таго, каб ускласьці кветкі да помнікаў паэтаў Якубу Коласу, Янку Купалу, Адаму Міцкевічу і Максіму Багдановічу.
З мэтай прадухіленьня правакацый, якія былі на «Сацыяльным маршы», будзе створаная адмысловая дружына. Патэнцыйных правакатараў адразу будуць затрымліваць і здаваць міліцыі.
Віктар Івашкевіч таксама просіць выходзіць на вуліцу з большай колькасьцю бел‑чырвона‑белых і эўрасаюзаўскіх сьцягоў, каб стварыць атмасфэру сапраўднага сьвята.
