30.10.2015 / 18:29

Эксперт: Новая Ваенная дактрына Беларусі — рэакцыя Лукашэнкі на Крым 29

Так мяркуе вайсковы эксперт Аляксандр Алесін.

Сёння Аляксандр Лукашэнка анансаваў новую Ваенную дактрыну Беларусі, якая мусіць запрацаваць на пачатку наступнага годa. 

Навошта нам новая дактрына, што там будзе напісана і чаму менавіта цяпер? 

«Наша Ніва» пагутарыла пра гэта з вайсковым экспертам Аляксандрам Алесіным. 

Перадусім Алесін мяркуе, што канчатковы варыянт дактрыны грамадскасць не ўбачыць зусім, маўляў, пра гэта будзе ведаць толькі генералітэт, дый то не ўвесь. Асноўныя палажэнні давядуць да сярэдняга афіцэрскага складу, а астатнім выпадае толькі гадаць, што ж там напісана насамрэч. 

«Новая дактрына распрацоўваецца тады, калі з'яўляюцца новыя пагрозы для дзяржавы, ці могуць з'явіцца ў бліжэйшай перспектыве. І сітуацыя насамрэч змянілася: Крым, канфлікт ва Украіне, новыя гарнізоны НАТА ў Балтыі. І мы мусім мець адказ на ўсе гэтыя выклікі», — сказаў вайсковы эксперт і разам з тым адзначыў, што самая імаверная прычына з пералічаных — гэта рызыка гібрыднай вайны ў Беларусі. 

«Мы бачым, што ўжо сёння нашыя войскі спецаперацый адпрацоўваюць дзеянні ва ўмовах тыпу гібрыднай вайны, а сілы на паўднёвых межах рэпетуюць прыкрыццё граніцы. Паўднёвы бок вучэнняў абраны для таго, каб не злаваць суседзяў з Усходу і Захаду», — мяркуе Аляксандр Алесін. 

Таксама, паводле эксперта, яшчэ адно сведчанне, што Лукашэнка адчувае пагрозу з Расіі — гэта ягоная адмова ад размяшчэння авіябазы. 

«Яшчэ ў 2013 годзе Лукашэнка быў згодны на базу ў Беларусі, але цяпер, пасля Крыма, рогам упёрся. Можа ён і хацеў бы змяніць дактрыну кардынальна, але ў нашых умовах гэта больш эканамічнае, чым палітычнае пытанне. Таму думаю, што ў новай дактрыне захаваюцца прынцыповыя палажэнні пра сяброўства ў АДКБ і саюзныя адносіны з Расіяй», — перакананы эксперт. 

Алесін таксама думае, што ў новай дактрыне будуць асобныя пункты аб інфармацыйнай бяспецы краіны. Маўляў, інфармацыйная вайна сёння значыць часам больш, чым рэальная.

Таму нашыя вайскоўцы проста не могуць не прадумаць дзеянні, накіраваныя супраць прапаганды гіпатэтычнага ворага.

Арцём Гарбацэвіч

0
Ліцьвін - Вялікі Князь Вялікага Княства Літоўскага / Адказаць
30.10.2015 / 18:57
У нас ё не гіпатэтычны, а цалкам рэальны вораг - гобліны на ўсходнім накірунку...
0
... / Адказаць
30.10.2015 / 19:24
Все эти доктрины - это какой-то медийный бред. И разворачивается он на фоне того, что РБ - нейтральная страна. Написали б статью такую - про военные доктрины стран, придерживающихся нейтралитета, сравнить с РБ.
0
Мордехай В. / Адказаць
30.10.2015 / 19:36
Единственная его доктрина - пересидеть и переждать. Авось в России что изменится, ишак помрет или как. Запад без реформ не подает, русские без затягивания узла не дают. Потому будет и дальше готовить народ к землянкам. Другого пути политического нет. А Россия на основе действующих договоров может ввести сюда войска в любой момент, он же сам все подписал, торговался тогда год, но подписал. В один прекрасный день по телевизору пустят историю про террористическую угрозу со стороны "ж*до-фашисто-содомито-демократических сил" и "фронта освобождения сатурна" (даже танчики покажут с розовыми гуманоидами), и в страну войдут российские войска... простите, миротворческие силы восстанавливать "конституционный порядок". А он оказывается под надежной охраной в Дроздах без возможности их покинуть, пока не приедут и дадут бумажку, чтобы послание зачитал с благодарностью братскому народу. И карандашей побольше.
Паказаць усе каментары/ 29 /
Каб пакінуць каментар, калі ласка, актывуйце JavaScript у наладах свайго браўзеру