Пракуратура Мінска санкцыянавала ўзяцце пад варту падазронага ў забойстве мінчанкі 1984 года нараджэння, трэнера БФСТ «Дынама» Юліі Балыкінай. Пра гэта паведамілі ў пракуратуры горада.
Абвінавачанне мужчыну 1987 года нараджэння пакуль не выстаўлена. Цела загінулай яшчэ не знойдзена, сказалі ў пракуратуры Мінска.
З заявай аб знікненні жанчыны ў праваахоўныя органы звярнуўся яе знаёмы. Ён сказаў, што 28 кастрычніка трэнер на асабістым аўтамабілі паехала дадому ў Заводскі раён Мінска, пасля чаго перастала выходзіць на сувязь.
У следства ёсць аб'ектыўныя звесткі, якія сведчаць аб крымінальным характары знікнення жанчыны. Падчас агляду месца жыхарства і аўтамабіля, што належаў ёй, знойдзены сляды, якія ў сукупнасці з іншымі сабранымі матэрыяламі ўказваюць на ўчыненне забойства.
Распачата справа на падставе ч. 1 арт. 139 КК (забойства).