06.11.2015 / 21:40

«Белавія» выканае ў суботу два рэйсы ў Егіпет

Беларуская «Белавія» выканае ў суботу два рэйсы ў Хургаду, адносна рэйсаў у Шарм-эш-Шэйх рашэнне будзе прынята ў бліжэйшыя суткі, паведаміў у пятніцу намеснік гендырэктара авіякампаніі Ігар Чаргінец.

«Заўтра мы выканаем два рэйсы ў Хургаду. Наколькі мы ведаем, прэтэнзіі ёсць да аэрапорта Шарм-эш-Шэйха», — сказаў Чаргінец.

Ён растлумачыў, што ў суботу у «Белавія» не запланавана рэйсаў у Шарм-эш-Шэйх. Бліжэйшы рэйс у гэты горад запланаваны на нядзелю. «Рэйс ў Шарм-эш-Шэйх запланаваны на паслязаўтра, і заўтра мы вырашым, што з ім рабіць», — сказаў прадстаўнік «Белавія».

Як паведаміў РІА Навіны раней у пятніцу дырэктар дэпартамента па авіяцыі міністэрства транспарту і камунікацый Беларусіі Уладзімір Косцін, Беларусь пакуль не будзе — услед за РФ — забараняць сваім авіякампаніям палёты ў Егіпет, бо беларускія самалёты ляцяць па бяспечным маршруце. Пры гэтым Косцін падкрэсліў, што беларускія авіяцыйныя ўлады нададуць дадатковую ўвагу бяспецы ў аэрапортах. Паводле яго слоў, у панядзелак будзе склікана нарада з авіякампаніямі, на якім будзе выпрацавана рашэнне.

Каб пакінуць каментар, калі ласка, актывуйце JavaScript у наладах свайго браўзеру