Будаваць спартыўныя аб'екты і басейны трэба проста, танна і якасна. Гэтага запатрабаваў Аляксандр Лукашэнка сёння ў ходзе наведвання новага шматфункцыянальнага фізкультурна-аздараўленчага комплексу «Мандарын» у Мінску.
Кіраўнік дзяржавы адзначыў, што бясплатна, за кошт бюджэту аб'ектаў дзяржаўных формаў уласнасці створана дастаткова.
«Падобныя палацы каштуюць дорага, і, адпаведна, паслугі — дарагія, што людзі павінны дакладна разумець», — адзначыў Аляксандр Лукашэнка.
На яго думку, цяпер трэба будаваць звычайныя, абсалютна танныя басейны і спартыўныя аб'екты. Ён даручыў у бліжэйшы час падрыхтаваць праекты недарагіх басейнаў і спартыўных комплексаў. «Усё павінна быць проста, танна, прыгожа і якасна», - лічыць кіраўнік дзяржавы. Пры гэтым ён заўважыў, што якасць - самы галоўны фактар.
Ён таксама сказаў, што спартыўныя аб'екты павінны быць цалкам загружаны.
«Спартыўныя аб'екты павінны быць цалкам загружаныя з раніцы да позняга вечара, каб людзі маглі займацца спортам ў зручны для іх час», — сказаў Лукашэнка.
Таксама ён даручыў прапрацаваць магчымасць стварэння айчыннага абсталявання для трэнажорных залаў.