12.11.2015 / 17:22

БСДП (Грамада) выйшла з кааліцыі «Народны рэферэндум» 3

Беларуская сацыял-дэмакратычная партыя (Грамада) выйшла з ініцыятывы «Народны рэферэндум». Як паведаміла 12 лістапада на прэс-канферэнцыі ў Мінску старшыня БСДП (Грамада) Ірына Вештард, такое рашэнне было прынята 25 кастрычніка прэзідыумам партыі. 

«Ёсць такія паняцці, як абавязкі, як давер, як адкрытасць. Я скажу, што па некаторых пытаннях у «Народным рэферэндуме» гэтага не было», — заявіла Вештард, каментуючы рашэнне пра выхад з «Народнага рэферэндуму». Так, паводле яе слоў, кіраўніцтва ўсіх структур «Народнага рэферэндуму» нават не абмяркоўвала пытанне аб вылучэнні кандыдатам у прэзідэнты Беларусі на выбарах 2015 года ад ініцыятывы Таццяны Караткевіч, тады як сама экс-кандыдат пазіцыянавала сябе менавіта як прадстаўніка «Народнага рэферэндуму». 

Пытанне пра выхад партыі са складу «Народнага рэферэндуму» ўпершыню было ўзнята ў жніўні. Тады Ірына Вештард паведамляла, што прэзідыум партыі распрацаваў шэраг прапаноў для астатніх членаў кааліцыі «Народны рэферэндум», якія датычацца «як матэрыяльных пытанняў, так і маральных». Калі прапановы БСДП не будуць падтрыманыя іншымі ўдзельнікамі «Народнага рэферэндуму», партыя разгледзіць пытанне пра выхад з ініцыятывы, заяўляла ў жніўні Вештард. 

Першапачаткова ў кааліцыю «Народны рэферэндум» уваходзілі кампанія «Гавары праўду», Партыя БНФ, рух «За Свабоду» і Беларуская сацыял-дэмакратычная партыя (Грамада).

0
правінцыял / Адказаць
12.11.2015 / 18:48
Кансалідацыя опанькі-пазіцыі ў дзеянні. Неяк вельмі хутка яны разругаліся, да выбараў яшчэ далёка. Але будзем чакаць, хто каму з іх будзе раздаваць пендалі. Больш ад гэтых "дзеячоў" чакаць няма чаго.
0
Юзік / Адказаць
12.11.2015 / 19:04
Значыць, не даюць больш грошай на гэтую "ініцыятыву".
0
Мглин / Адказаць
12.11.2015 / 21:21
Ну как это так , не революционно, а как же негодующие массы трудящихся, ждущих просвещения?
Каб пакінуць каментар, калі ласка, актывуйце JavaScript у наладах свайго браўзеру