12.11.2015 / 19:02

Пад «Чорным квадратам» Малевіча знайшлі другую выяву 25

Другі малюнак выяўлены пад карцінай «Чорны квадрат» Казіміра Малевіча, якая экспануецца ў Траццякоўскай галерэі. Пра гэта паведамляюць інфармагенцтвы са спасылкай на навуковага супрацоўніка аддзела навуковай экспертызы Траццякоўскай галерэі Кацярыну Вароніну.

wikipedia.org

«Было вядома, што пад малюнкам «Чорнага квадрата» быў нейкі іншы малюнак. Мы высветлілі, што такіх малюнкаў не адзін, а два. І даказалі, што першапачатковы малюнак — гэта кубафутурыстычная кампазіцыя, а тая, што ляжыць пад «Чорным квадратам», колер якой вы бачыце ў кракелюрах (расколінах фарбы), — гэта протасупрэматычная кампазіцыя», — распавяла Вароніна. Гэта адкрыццё было зроблена крыху больш за месяц таму.

Аднак на гэтым нечаканасці не сканчаюцца. Аўтары даследавання распавялі, што яны за выключэннем трох літар расшыфравалі надпіс на «Чорным квадраце», які лічаць аўтарскім. На думку музейшчыкаў, фраза гучыць як «Бітва неграў у цёмнай пячоры». Яна адсылае да палатна, напісанага ў 1882 годзе французскім пісьменнікам Альфонсам Але, пад назвай «Бітва неграў у цёмнай пячоры глыбокай ноччу».

«У Малевіча складаны, заблытаны почырк, і некаторыя літары пішуцца аднолькава: «н», «п», і нават «и» ў некаторых тэкстах вельмі блізкія па напісанні. Мы працуем над другім словам. Але тое, што першае слова «Бітва», вы ўсе можаце ўбачыць», — заявіла Вароніна.

У гэтым годзе «Чорнаму квадрату» спаўняецца 100 гадоў. Юбілей гэтай эпахальнай працы Траццякоўская галерэя адзначыла выставай «Пад знакам Малевіча», сабраўшы ў дзвюх залах сотню графічных прац і эскізаў майстры, яго паслядоўнікаў, а таксама мастакоў, якія часова далучыліся да іх.

0
sf / Адказаць
12.11.2015 / 18:45
ну Малевіч тролішча :)
0
Тургенеў з-пад Барысава / Адказаць
12.11.2015 / 18:50
Думкі проста круцяцца ў паветры... Я размаўляў з нашымі рэстаўратарамі наконт Малевіча і ўвесь час яны гаварылі - мастак проста замаляваў нешта чорнай фарбай і цяпер кожны, хто глядзіць на чорны квадрат, уяўляе сам сабе, што схавана пад фарбай - нацюрморт, краявід, аголеную дзяўчыну... Стаяць можна гадзінамі і уяўляць...уяўляць...
0
Филифион / Адказаць
12.11.2015 / 19:17
Тургенеў з-пад Барысава, mastak toļki prykalousia. Napeckau aby što, vystaviu na prahliad, i cikavau smiejučysia, jak roznyja "znaucy" pačnuc vydumliac za jaho, što ž tam namaliavana, jakuju hienijaļnuju zadumu realizavau tvorca i t.d. Nie zdziuliusia, jak kali u chutkim časie znojduc jakis sšytak, u jaki Malievič zapisvau tyja hlybokadumnyja fantazii, supravadžajučy ich svaimi prysmieškami...
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру