12.11.2015 / 22:10

ЕС стварае фонд для скарачэння міграцыі з Афрыкі 3

Еўрапейскі саюз у чацвер анансаваў серыю мер, накіраваных на змяншэнне патоку мігрантаў, якія накіроўваюцца ў Еўропу з Афрыкі.

Такое рашэнне было прынята па выніках двухдзённага саміту на Мальце, прысвечанага праблеме міграцыі. Пра тое, у чым менавіта будуць заключацца новыя меры дапамогі мігрантам, распавёў кіраўнік Рады ЕС Дональд Туск.

Для дапамогі афрыканскім уцекачам будзе створаны адмысловы шматмэтавы фонд, які будзе займацца інвестыцыямі ў самыя розныя праекты на тэрыторыі афрыканскіх краін. Спіс гэтых праектаў гранічна шырокі — ад навучання персаналу і грантаў на адкрыццё малога бізнэсу да барацьбы з недахопам прадуктаў харчавання. Статутны капітал фонду будзе роўны 1,9 млрд еўра (крыху больш за 2 млрд даляраў).

Туск згадаў, што цяпер краіны Еўропы ўжо выдаткоўваюць на дапамогу Афрыцы каля 20 млрд еўра (21,5 млрд даляраў) у год.

Па словах Туска, стварэнне фонду — гэта толькі адзін крок з «доўгага і гранічна канкрэтнага спісу мер, якія будуць прынятыя да канца 2016». Апроч іншага, у гэты спіс ўваходзіць стварэнне міжурадавай рабочай групы ў Нігеры для барацьбы з гандлем людзьмі і выдзяленне краінамі Еўропы большай колькасці віз для афрыканскіх студэнтаў і навукоўцаў.

Па словах лідараў афрыканскіх краін, меры, прапанаваныя Еўропай для памяншэння эміграцыі, могуць аказацца неэфектыўнымі. Так, прэзідэнт Сенегала Макі Салі заявіў, што прапанаваных грошай «наўрад ці хопіць для ўсёй Афрыкі». Пазней ён выказаў задавальненне стварэннем фонду, але зноў дадаў, што ён недафінансаваны.

Прэзідэнт Нігера Махамадам Ісуфу заявіў, што кантынент мае патрэбу ў інвестыцыях, аднак больш эфектыўнай мерай, па яго словах, была б «рэформа сусветнага кіравання», накіраваная на тое, каб зрабіць міжнародны гандаль больш справядлівым.

Паводле дадзеных ААН, у 2015 годзе ў Еўропу па моры прыбылі каля 800 тысяч мігрантаў. З іх каля 150 тысяч прыехалі з цэнтральна-і заходнеафрыканскіх краін.

0
le mantar / Адказаць
12.11.2015 / 22:44
Вось патлумачце мне, ліберальныя-талерантныя. Калі гэтыя чорныя "такія ж людзі як і мы", ва ўсім роўныя белым і што вы там яшчэ спяваеце... то якой халеры яны дагэтуль не пабудавалі ў сябе тую Еўропу, у якую яны так пнуцца цяпер? Ды яшчэ маюць нахабства разяваць зяпу, што Еўропа ім мала грошай дае, не хопіць, маўляў!.. Няма слоў.
0
Генэрал Голад / Адказаць
13.11.2015 / 08:42
le mantar, я б назваў гэты фонд "Фонд імя Ўільма Пірса"... :) Пірс даў добры план будучых падзей у кнігах "Дзёньнік Цёрнэра" і "Паляўнічы".
0
чёрный / Адказаць
13.11.2015 / 17:34
le mantar, географическое положение у европейцев удачное и всё. http://maximus101.livejournal.com/36408.html?page=
Каб пакінуць каментар, калі ласка, актывуйце JavaScript у наладах свайго браўзеру