13.11.2015 / 20:52

Іракскі Сінджар перайшоў пад кантроль курдаў 1

Байцам курдскіх узброеных фарміраванняў удалося аднавіць кантроль за стратэгічна важным горадам Сінджар на поўначы Ірака.

Reuters

«Я тут, каб абвясціць аб вызваленні Сінджара», — заявіў лідар іракскіх курдаў Масуд Барзані.

Курды цяпер аглядаюць горад і рухаюцца па сярэдзіне праезнай часткі, баючыся магчымых мін на абочыне дарог.

Наступ на Сінджар пачаўся каля 7-й раніцы па мясцовым часе. У аперацыі прымалі ўдзел каля 7500 байцоў пры падтрымцы авіяцыі ваеннай кааліцыі на чале з ЗША.

Сінджар перайшоў пад кантроль экстрэмісцкай групоўкі «Ісламская дзяржава» у жніўні 2014 года, пасля чаго адтуль уцяклі некалькі дзясяткаў тысяч курдаў-язідаў.

Многія з тых, хто не паспеў сысці з горада, былі забітыя.

0
Анатоль Сідарэвіч / Адказаць
13.11.2015 / 22:59
"Іракскі Сінджар перайшоў пад кантроль курдаў". Вы адчуваеце нелагічнасць загалоўка? Атрымліваецца, што курды захапілі іракскі горад. Тым часам Сінджар -- горад у Іракскім Курдыстане. Куды лагічнейшы быў загаловак "Курды адваявалі Сінджар у ІДІЛ".
Каб пакінуць каментар, калі ласка, актывуйце JavaScript у наладах свайго браўзеру