18.11.2015 / 18:34

«Ісламская дзяржава» заявіла, што падарвала A321 швепсавай бомбай ФОТА 18

«Ісламская дзяржава» апублікавала фатаграфію выбуховага прыстасавання, закладзенага ў расійскі самалёт A321. На фота паказана бляшанка аб'ёмам 0,33. Пацверджанняў, што гэта тая самая выбухоўка, няма.

На фатаграфіі відаць, што выбуховае рэчыва знаходзілася ў бляшанцы з-пад газаванай вады Schweppes. Здымак апублікаваны ў апошнім выпуску выдаванага «Ісламскай дзяржавай» англамоўнага анлайн-часопіса Dabiq.

У тэксце гаворыцца, што джыхадысты пранеслі выбухоўку на борт расійскага лайнера, выявіўшы слабыя месцы ў сістэме бяспекі аэрапорта Шарм-эш-Шэйха.

Па словах баевікоў, першапачаткова яны планавалі падарваць заходні самалёт, аднак пасля пачатку расійскай ваеннай кампаніі ў Сірыі перадумалі.

Раней газета «Коммерсант» са спасылкай на блізкія да расійскага следства крыніцы паведаміла, што, па папярэдніх дадзеных, выбух на борце самалёта A321 адбыўся не ў багажным аддзяленні, а ў самім салоне.

Суразмоўцы выдання заявілі, што сапраўды ўсталяваць тып выбуховага прыстасавання пакуль не ўдалося, але не выключана, што ён быў зроблена на аснове пластыту або тратылу, якія звычайна выкарыстоўваюцца ў ваенных мэтах.

Афіцыйнага пацверджання або абвяржэння апублікаванай газетай інфармацыі пакуль не паступала. Аднак яшчэ ў аўторак ФСБ пацвердзіла, што прычынай авіякатастрофы стаў выбух на борце самалёта.

0
хехе / Адказаць
18.11.2015 / 18:37
Сейчас найдут остатки банки из-под Швепса.
0
Филифион / Адказаць
18.11.2015 / 18:39
Что-то мне подсказывает, что решение о наземной военной операции против ИГ уже принято, но не объявлено. Это будет сделано в течение месяца-двух, если не раньше.
0
данута / Адказаць
18.11.2015 / 18:44
фота-хлусня.эгил спяшаецца аппярэдиць усих:гэта я,гэта-я...
Паказаць усе каментары/ 18 /
Каб пакінуць каментар, калі ласка, актывуйце JavaScript у наладах свайго браўзеру