Міністр унутраных спраў Беларусі Ігар Шуневіч не выключае завядзення крымінальных спраў у дачыненні да грамадзян Беларусі — удзельнікаў баявых дзеянняў на паўднёвым усходзе Украіны. Пра гэта ён заявіў сёння журналістам.
«Ёсць рэальныя праверачныя матэрыялы, якія ў бліжэйшы час, думаю, згодна з нашым заканадаўствам, лагічна лягуць у аснову распачынання крымінальных спраў па адпаведных артыкулах», — сказаў Ігар Шуневіч. Ён растлумачыў, што гаворка ідзе пра дзясяткі беларускіх грамадзян, якія, па дадзеных беларускіх праваахоўнікаў, прымаюць удзел у баявых дзеяннях на паўднёвым усходзе Украіны з абодвух бакоў.
«Усе будуць залежаць ад таго, наколькі поўна мы збярэм матэрыялы для завядзення гэтых спраў», - сказаў міністр.
0
0
0
0
0
0
