19.11.2015 / 17:05

Двухгадовая дзяўчынка ў Полацку праглынула батарэйку-таблетку, а дактары яе не знайшлі. Дзіця ўпала ў кому 42

У жніўні гэтага года ў Полацкі міжраённы аддзел Следчага камітэта надышла заява ад жыхаркі горада. Жанчына паведаміла, што яе дачка, якой на той момант было 2,5 гады, праглынула батарэйку-таблетку. Дзіця адвезлі ў гарадскую бальніцу, але, па словах маці, медыкі так і не заўважылі іншароднае цела.

Ілюстратыўнае фота.

«Паставілі дыягназ: прастуда. Праз пяць дзён стан пагоршаў. Зрабілі другі рэнтген — і зноў не ўбачылі батарэйкі. Зноў дыягнаставалі прастуду. Тое, што ў арганізме іншароднае цела, доктар у Полацку выказаў здагадку толькі праз 9 дзён — 21 жніўня, калі дзіця было ўжо ў коме», — распавяла tut.by маці дзяўчынкі.

Выратаваць дзіця змаглі толькі ў Мінску. Пазней яна перанесла тры аперацыі.

«У яе ўжо няма стрававода, пацярпеў мозг. Яна цяпер як немаўля: не гаворыць, плача, рыпае зубамі, засынае толькі на руках. Трэба будзе яшчэ аперацыю… Мы шукаем рэабілітацыйны цэнтр за межамі краіны. Я ўпэўнена, што ўсе гэтыя пакуты майго дзіцяці — з-за дзеянняў полацкіх медыкаў. Ужо тры месяцы мы б'емся за здароўе сваёй дзяўчынкі. Яна была абсалютна здаровая, мы збіраліся праз тры дні ісці ў садок», — плача маці.

У дачыненні да медыкаў заведзеная крымінальная справа за неналежнае выкананне прафесійных абавязкаў.

УШ

0
Пятро / Адказаць
19.11.2015 / 17:15
які жах...
0
SHOS / Адказаць
19.11.2015 / 17:55
Это очень опасно, Летальный исход наступает от пальчиковой бтарейки в течение 2-х часов.
0
один из народца / Адказаць
19.11.2015 / 17:59
Я ўпэўнена, што ўсе гэтыя пакуты майго дзіцяці — з-за дзеянняў полацкіх медыкаў. http://nn.by/?c=ar&i=160280 С медиками разберется суд. А за что у нас выплачиваются декретные три года неработающей маме, чтобы батарейки разбрасывать там, где находится маленький ребенок?Или все таки смотреть за ним?Тем более, я так поняла, что она сама не знала, что случилось с ребенком.Конечно, мама уже наказана более, чем достаточно на всю жизнь, но в первую очередь она очень виновата, и нести ей этот крест всю жизнь.
Паказаць усе каментары/ 42 /
Каб пакінуць каментар, калі ласка, актывуйце JavaScript у наладах свайго браўзеру