23.11.2015 / 16:36

Pfizer купіў вядучага вытворцу ботаксу 3

Амерыканскі фармацэўтычны канцэрн Pfizer заключыў найбуйнейшую ўгоду ў гісторыі галіны, дамовіўшыся аб набыцці ірландскай кампаніі Allergan за 160 млрд даляраў.

Атрыманае ў выніку зліцця двух кампаній прадпрыемства стане найбуйнейшым фармацэўтычным канцэрнам у свеце.

Пры гэтым эксперты не выключаюць, што штаб-кватэра Pfizer пераедзе ў Дублін, каб пазбегнуць высокіх амерыканскіх падаткаў.

Перамовы паміж Pfizer і Allergan працягваліся некалькі тыдняў. Пасля заключэння ўгоды акцыянеры апошняй атрымаюць прыкладна па 11 акцый Pfizer за кожную наяўную ў іх акцыю Allergan. Узначаліць аб'яднаны канцэрн кіраўнік Pfizer Іэн Рыд.

Кампанія Allergan Plc у яе цяперашнім выглядзе была створаная ў лютым 2015 пасля куплі канцэрнам Actavis фірмы Allergan Inc.

Аб'яднаная кампанія ўваходзіць у лік вядучых вытворцаў ботаксу і сродкаў касметычнай хірургіі.

Канцэрн Pfizer быў створаны ў сярэдзіне XIX стагоддзя і лічыцца адной з найбуйнейшых фармацэўтычных кампаній у свеце. Яго чысты гадавы прыбытак ацэньваецца больш чым у 8 млрд даляраў.

Хочаш падзяліцца важнай інфармацыяй ананімна і канфідэнцыйна?

0
студент / Адказаць
23.11.2015 / 17:37
Все диктаторы любители ботакса могут спать спокойно.
0
ботокс потёк... / Адказаць
23.11.2015 / 18:00
До Дублина карлику, пожалуй, далековато ездить будет. А как сохранить лицо сверхдержавы в позе колени врозь?
0
цячэ ботакс у ярок, кладачку замяло... / Адказаць
23.11.2015 / 18:29
У чым брат сiла ? - у ботаксе!
Каб пакінуць каментар, калі ласка, актывуйце JavaScript у наладах свайго браўзеру