23.11.2015 / 21:33

Мясніковіч: Пасылкі з замежнымі таварамі абвалілі беларускі гандаль 26

Ацэначны кошт пасылак з таварамі з-за мяжы, якія заказваюцца праз інтэрнэт-магазіны, наўмысна заніжаецца. Аб гэтым заявіў сёння старшыня Савета Рэспублікі Міхаіл Мясніковіч на пасяджэнні маніторынгавай групы па разглядзе праектаў указаў прэзідэнта Беларусі і законаў у Савеце Рэспублікі.

БелТА

Старшыня Савета Рэспублікі адзначыў, што за першае паўгоддзе 2015 года жыхары Беларусі атрымалі 4 млн 400 тыс. пасылак з таварамі з-за мяжы. «Яны ацэньваюцца ў $5, $10… Хаця на самай справе фактычны кошт зусім іншы, таму бюджэт недаатрымлівае ПДВ, пошліны», — сказаў ён. Пры гэтым падкрэсліў: «Я не супраць таго, каб куплялі гэта, але ідзе проста падлог фактычнага кошту. Што дае магчымасць адыходзіць ад мытных пошлін, плацяжоў і гэтак далей».

Раней Міхаіл Мясніковіч прапаноўваў увесці ПДВ на такія пасылкі з таварамі, але з гэтым не згадзіўся Нацбанк, спасылаючыся на тое, што праграмнае забеспячэнне не дазваляе зрабіць гэтага.

«Я лічу, што гэта няправільны падыход. Буду на гэтым настойваць. Калі мы праходзім у магазін, на касе прабіваюць ПДВ, і праграмнае забеспячэнне спрацоўвае. Кожны пакупнік выплачвае падатак. У нас ёсць рэгістрацыя на кожную пасылку. Пры яе ўручэнні цалкам можна гэта пытанне вырашыць», — дадаў Міхаіл Мясніковіч.

Старшыня Савета Рэспублікі таксама лічыць, што такія пасылкі абвалілі беларускі гандаль і стварылі праблемы для прамысловасці. «І, вядома, гэта вялікія страты для бюджэту», — падкрэсліў ён. Паводле яго звестак, ЕЭК ужо абмяркоўвае пытанне ўвядзення падатку на такі інтэрнэт-гандаль. Размова ідзе аб прагрэсіўнай шкале падатку на пасылкі з таварамі з інтэрнэт-магазінаў, якія паступаюць у ЕАЭС звонку.

Хочаш падзяліцца важнай інфармацыяй ананімна і канфідэнцыйна?

0
Вонтед / Адказаць
23.11.2015 / 21:42
Кругом ураги
0
knot / Адказаць
23.11.2015 / 21:44
Калі гэтага карча ўжо ўгамоняць?
0
Галена / Адказаць
23.11.2015 / 21:46
Дайте -ка я угадаю с трех раз, какой товар выберет нормальный человек: беларусскую куртку за 70 долл или аналогичную китайскую за 15? Гибчее надо быть, господа !
Паказаць усе каментары/ 26 /
Каб пакінуць каментар, калі ласка, актывуйце JavaScript у наладах свайго браўзеру