tass.ru
Расія не мае намеру ваяваць з Турцыяй у сувязі з тым, што адбылося напярэдадні з расійскім самалётам Су-24, аднак перагледзіць адносіны c Анкарой, заявіў кіраўнік МЗС Расіі Сяргей Лаўроў.
«Ваяваць з Турцыяй мы не збіраемся, стаўленне да турэцкага народу не змянілася, у нас узнікаюць пытанні да дзеянняў цяперашняга турэцкага кіраўніцтва», — растлумачыў Лаўроў.
Кіраўнік МЗС паведаміў, што ў расійскіх уладаў няма планаў наносіць візіты ў Турцыю і прымаць прадстаўнікоў Турцыі ў Маскве.
У аўторак было абвешчана, што Сяргей Лаўроў адмяніў візіт у Турцыю, які быў запланаваны на сераду. У ходзе візіту Лаўроў павінен быў абмеркаваць сітуацыю ў Сірыі з міністрам замежных спраў Турцыі Меўлютам Чавушаглу.
Аднак кіраўнікі знешнепалітычных ведамстваў дзвюх краін правялі гутарку па тэлефоне, пасля чаго Лаўроў і зрабіў гэтыя заявы.
Паводле слоў Лаўрова, Масква не выключае, што напад турэцкіх ВПС на расійскі Су-24 была «спланаванай правакацыяй».
