Магчымасць перакрыцця Турцыяй Чарнаморскіх праліваў для расійскіх судоў у Крамлі назвалі апакаліптычным сцэнарам.
Масква просіць устрымацца ад абмеркавання такой сітуацыі. Пра гэта прэс-сакратар прэзідэнта Расіі Дзмітрый Пяскоў заявіў у эфіры тэлепраграмы «Весткі ў суботу», перадае сайт «Весті».
«Вы будуеце абсалютна апакаліптычныя сцэнары. З нашага пункту гледжання, ступень прадказальнасці дзеянняў турэцкага кіраўніцтва цяпер вызначаецца з цяжкасцю. Давайце нават не будзем абмяркоўваць такія сцэнары», — заявіў чыноўнік, адказваючы на пытанне журналіста аб магчымасці перакрыцця Басфора і Дарданэл.
Чарнаморскія пралівы Басфор і Дарданэлы маюць важнае лагістычнае значэнне ў матэрыяльна-тэхнічным забеспячэнні аперацыі Паветрана-касмічных сіл Расіі ў Сірыі. Правілы марскога суднаходства праз гэтыя пралівы рэгулююцца міжнародным правам — канвенцыяй Мантрэ, якая замацавала суверэнітэт Турцыі над пралівамі, пры гэтым гарантаваўшы асаблівыя правы чарнаморскіх дзяржаў наконт іх выкарыстання.
Анкара мае права на закрыццё праліваў толькі ў выпадку афіцыйна абвешчанай ёй вайны.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі22
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары