29.11.2015 / 15:05

Былы кіраўнік Іўеўскага раёна атрымаў шэсьць гадоў турмы 3

Суд Лідскага раёна Гродзенскай вобласці прыгаварыў былога старшыню Іўеўскага раённага выканаўчага камітэта ў здзяйсненні злачынства, прадугледжанага ч. 3 арт. 426 КК. Пра гэта паведаміў БелаПАН 28 лістапада.

Як паведамляе Вярхоўны суд, абвінавачаны прызнаны вінаватым у наўмысным здзяйсненні службовай асобай дзеянняў, якія відавочна выходзяць за межы правоў і паўнамоцтваў, дадзеных яму па службе, што пацягнула шкоду ў буйным памеры, істотную шкоду правам і законным інтарэсам грамадзян, дзяржаўным і грамадскім інтарэсам (перавышэнне ўлады і службовых паўнамоцтваў), учыненых з карыслівай і іншай асабістай зацікаўленасці, што пацягнула цяжкія наступствы, асобай, якая займае адказную пасаду.

Якія менавіта злачынствы ўчыненыя былым высокапастаўленым кіраўніком прэзыдэнцкай вэртыкалі, Вярхоўны суд не паведамляе.

Абвінавачанаму на падставе ч. 3 арт. 426 КК прызначана пакаранне ў выглядзе пазбаўлення волі тэрмінам на шэсць гадоў з адбываннем у папраўчай калоніі ва ўмовах ўзмоцненага рэжыму з пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў тэрмінам на пяць гадоў, з канфіскацыяй маёмасці.

Да абвінавачанага прымененая амністыя і ён вызвалены ад асноўнага пакарання ў выглядзе пазбаўлення волі часткова, тэрмінам на адзін год.

Хочаш падзяліцца важнай інфармацыяй ананімна і канфідэнцыйна?

0
145 / Адказаць
29.11.2015 / 16:44
Чудеса да и только .Што, у абвинавачанага кирауника няма прозвища ? Чаму кали высокапастаулены кирауник зробиць злачынства ,то суд не паведамляе якия злачынства ен зрабиу и як завуць гетага кирауника ...што гета за тайны такия ад народа ....Дураць беларусау папоунай ,ну а мы будзем маучаць и далей ,галоунае каб ни было горш...
0
Мда... / Адказаць
29.11.2015 / 16:49
Пачакаюць, пакуль чалавек маемасьць арганізуе, а пасьля - хлоп. Канфіскацыя. І крыху амністыі...
0
Казік / Адказаць
30.11.2015 / 15:55
Зараз справу закрыюць і перавядуць працаваць на вобласць. Такое у нас паусюль. Вертыкалі зручна мець людзей на кароткім ланцужку.
Каб пакінуць каментар, калі ласка, актывуйце JavaScript у наладах свайго браўзеру