У Мінску на 3,8% павышаныя для насельніцтва тарыфы на вываз, абясшкоджванне і перапрацоўку цвёрдых камунальных адходаў. Адпаведнае рашэнне Мінскага гарадскога выканаўчага камітэта ад 20 лістапада 2015 года № 3135 апублікаванае на Нацыянальным прававым інтэрнэт-партале.
Згодна з дакументам, фіксаваны тарыф на вываз цвёрдых камунальных адходаў устаноўлены ў 38.948 рублёў за 1 куб. м, на абясшкоджванне і перапрацоўку цвёрдых камунальных адходаў — 11.749 рублёў за 1 куб. м.
Кошт вывазу вадкіх камунальных адходаў для юрыдычных асоб не змяніўся і складзе 61.430 за 1 кубаметр.
Раней тарыфы павышаліся ў красавіку 2015 года — на 24%.
