Віталь Цыганкоў: Пенсійны ўзрост трэба павялічваць
Ёсьць адна рэч, якую не скажуць ані апазыцыйныя палітыкі (паколькі апазыцыйным палітыкам такое якбы нельга казаць), ані незалежныя эканамісты (паколькі іхні асноўны інстынкт — ганіць любыя эканамічныя рашэньні ўлады), ані нават многія журналісты (паколькі каму ахвота казаць непапулярныя рэчы, наш чытацкі «электарат» гэта не ўспрыме)
Але хтосьці ж павінен гэта сказаць — пэнсійны ўзрост у Беларусі трэба павялічваць!
55 для жанчынаў і 60 для мужчын — гэта савецкая анамалія, такога няма нідзе ў сьвеце. І ня трэба дзяжурна спасылацца на сярэднюю працягласьць жыцьця ў Беларусі — яна не такая і малая, жанчыны 78, мужчыны — 67 (для жанчын гэта ўвогуле цалкам эўрапейскі вынік).
Трэба разумець, што пакуль дзяржава будзе выплачваць пэнсіі 35 працэнтам свайго насельніцтва (столькі пэнсіянэраў сярод тых, каму за 18), пакуль нашы прадпрыемствы і прадпрымальнікі аддаюць такі вялікі працэнт у Фонд Сацыяльнай абароны (то бок на пэнсіі) — у нас ня будзе вялікіх заробкаў і эфэктыўнасьці бізнэсу.
Ідэя «спытаць народ» наконт пэнсійнага ўзросту — гэта ўсё роўна што спытаць дзяцей наконт наведваньня школы, трэба ці ня трэба.
Пры гэтым нам усім трэба спадзявацца, каб падвышэньне пэнсійнага ўзросту, гэтыя «непапулярныя захады» як мага хутчэй зрабіў Лукашэнка, — каб гэта не даводзілася рабіць дэмакратычным (будзем спадзявацца) уладам, якія прыйдуць пасьля яго.
-
Гэтых прафесій не заменіць штучны інтэлект. Беларусы могуць лёгка атрымаць такую адукацыю ў Еўропе
-
«Тэму генацыду беларускага народа прыдумалі расіяне і падсунулі гэта ў якасці сцэнарыя для мабілізацыі беларусаў»
-
Ці можна будаваць Беларусь па-за межамі Беларусі? Дыскутавалі Ягораў, Гарбацкі, Югася Каляда
Хто такі Міхаіл Мяховіч — сілавік, які вядзе канал ГУБАЗіКа і адказвае за прабіў людзей20
Каментары