Прэзідэнт Турцыі Рэджэп Таіп Эрдаган у адказ на свежыя расійскія абвінавачванні ў тым, што турэцкія ўлады і ён асабіста ўдзельнічаюць у нафтавых здзелках з баевікамі «Ісламскай дзяржавы», зноў паабяцаў сысці ў адстаўку, калі гэтыя абвінавачванні будуць даказаныя.
«Ніхто не мае права ачарняць Турцыю», абвінавачваючы яе ў куплі нафты ў ІД, заявіў турэцкі прэзідэнт.
Паводле яго слоў, Турцыя яшчэ не настолькі забылася на свае каштоўнасці, каб купляць нафту ў тэрарыстычнай арганізацыі.
У той жа час у ходзе выступлення ва ўніверсітэце ў катарскай сталіцы Досе Эрдаган падкрэсліў, што не хоча далейшага пагаршэння адносін з Масквой.
Незадоўга да выступу Эрдагана прадстаўнікі міністэрства абароны і расійскага генштаба на брыфінгу ў Маскве заявілі, што Турцыя з'яўляецца асноўным пакупніком нафты ў экстрэмісцкай групоўкі «Ісламская дзяржава», а ў гандаль з ІД уцягнутыя асабіста Эрдаган і яго сям'я.
