03.12.2015 / 21:39

Амерыканкам дазволілі несці ваенную службу нароўні з мужчынамі 4

Міністр абароны ЗША Эштан Картэр абвясціў аб зняцці ўсіх абмежаванняў, звязаных са службай жанчын у амерыканскай арміі. Жанчынам цяпер дазволяць вадзіць танкі, страляць з мінамётаў і весці пяхоту ў бой.

«Яны змогуць служыць у падраздзяленнях вайсковых рэйнджараў, зялёных берэтаў, марскіх коцікаў, марской пяхоты, паветранага дэсанту і ўсіх іншых, раней адкрытых толькі для мужчын», — заявіў Картэр.

Паводле яго слоў, узброеныя сілы ЗША больш не могуць дазволіць сабе не выкарыстоўваць палову талентаў і ўменняў краіны.

Міністэрства абароны такім чынам адпрэчыла аргументы старшыні аб'яднанага камітэта начальнікаў штабоў, які прапаноўваў выключаць жанчын з некаторых аперацый на перадавой.

Праціўнікі рашэння прыводзілі дадзеныя навуковых даследаванняў, згодна з якімі падраздзяленні, дзе служаць людзі абодвух палоў, выконваюць заданні горш, чым выключна мужчынскія.

ЗША адмянілі забарону на ўдзел жанчын-вайскоўцаў у баявых дзеяннях у студзені 2013 года. Тады амерыканскае камандаванне пакінула за сабой права да 2016 года абмяркоўваць спіс спецыяльных пазіцый, якія застануцца недаступнымі для жанчын-ваеннаслужачых.

0
mikola ramanau / Адказаць
03.12.2015 / 23:48
Dobra zrabili !
0
Уладiмiр / Адказаць
04.12.2015 / 08:37
В китайской и таиландской армии давно такое практикуется . Женские подразделения этих стран отличаются особой жестокостью - никаких пленных , а при допросах проявляют ,, чудеса" изобретательности . Американские надзирательницы в тюрьме ,,Абу-Грейв" тоже проявили себя с ,,наилучшей" стороны .
0
NavuchencaBK / Адказаць
04.12.2015 / 10:46
Ага, дабра!.. Жанчына на танке зарабляе дзеля арабаў выдаткі. Таму, што не нараджае дзякуючы дзяржаўным спакусам ў заробках. Дзяржава, якая сама сабе зьнішчыць.
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру