Аб гэтым кіраўнік дзяржавы заявіў сёння ў час сустрэчы з Клаўдыа Гуджэроці, якая адбылася з нагоды завяршэння яго дыпламатычнай місіі ў Беларусі.
Кіраўнік дзяржавы падкрэсліў: «Афіцыйна і публічна хачу падзякаваць вам за тую місію, якую вы ажыццяўлялі ў Беларусі. Абсалютна шчыра, без усялякай дыпламатыі кажу, што, напэўна, вы — найлепшы з паслоў Ватыкана». Разам з тым Аляксандр Лукашэнка заўважыў, што ўсе паслы Ватыкана працавалі добра.
«Ваша місія была сумленнай, адкрытай, прынцыповай, часам нават не дыпламатычнай, а агульначалавечай. Вы да некаторых пытаннях узаемаадносін Беларусі не толькі з Ватыканам, але і з іншымі дзяржавамі падыходзілі, зыходзячы з інтарэсаў Беларусі, нашага народа. І вось за гэта перш за ўсё я вам удзячны», — падкрэсліў кіраўнік дзяржавы.
