Прэзідэнт Грузіі Георгій Маргвелашвілі падпісаў распараджэнне аб пазбаўленні грамадзянства краіны Міхаіла Саакашвілі. Пра гэта паведаміла прэс-служба прэзідэнта рэспублікі.
3 снежня міністэрства юстыцыі Грузіі рэкамендавала прэзідэнту краіны пазбавіць Саакашвілі грузінскага грамадзянства, паведаміла міністр юстыцыі Тэя Цулукіані.
Паводле яе слоў, Маргвелашвілі накіравана «заключэнне-рэкамендацыю аб спыненні грамадзянства Грузіі экс-прэзідэнту краіны, а цяпер грамадзяніну Украіны Міхаілу Саакашвілі». «Канчатковае рашэнне па гэтым пытанні павінен прыняць прэзідэнт», - дадала яна.
Саакашвілі быў прэзідэнтам Грузіі са студзеня 2004 па лістапад 2013 года.
30 мая 2015 г. ён быў прызначаны губернатарам Адэскай вобласці Украіны.
0
0
0
0
0
0
