08.12.2015 / 16:25

Упершыню ў гісторыі «святыя брамы даравання» адчыняцца ў касцёлах па ўсім свеце 8

У сярэдзіне снежня ў асобных касцёлах Беларусі адчыняцца «святыя брамы даравання» («дзверы міласэрнасці») для вернікаў. 

Папа Францішак адчыняе Святую браму базілікі Святога Пятра ў Ватыкане. Фота AFP

Як паведаміў 8 снежня на прэс-канферэнцыі ў Мінску мітрапаліт Мінска-Магілёўскі арцыбіскуп Тадэвуш Кандрусевіч, упершыню ў гісторыі каталіцкай царквы папа Францішак даў магчымасць адчыняць «святыя брамы даравання» ў асобных касцёлах і санктуарыях па ўсім свеце. 

У розныя перыяды гісторыі царквы «святыя брамы», праходжанне праз якія даруе адпушчэнні грахоў, адчыняліся толькі ў базіліцы Святога Пятра ў Ватыкане, базіліцы Маці Божай вялікай, базіліцы Святога Яна Латэранскага і базіліцы Святога Паўла за Аўрэліянавымі сценамі. «Але ніколі яшчэ «дзверы міласэрнасці» не адчыняліся ў асобных епархіях, касцёлах, санктуарыях. Сёння папа дае такую магчымасць, таму нас чакае ўнікальная падзея», — падкрэсліў Кандрусевіч. 

Год Божай міласэрнасці ў каталіцкім свеце пачынаецца 8 снежня. У гэты дзень роўна 50 гадоў таму завяршыўся Другі Ватыканскі сабор, які «стаў актам міласэрнасці ў дачыненні да касцёла і чалавецтва». Пачатак Года міласэрнасці адзначыць адкрыццё папам Францішкам святых дзвярэй у базіліцы Святога Пятра ў Ватыкане. «Апошні раз гэтыя дзверы адчыняліся ў 2000 годзе, пасля — запячатваліся. Праз дзверы мы ўваходзім, каб сустрэць кагосьці дома, у двары або іншым месцы. Так і папа сёння адчыніць гэтыя дзверы, каб кожны мог прайсці праз іх і сустрэцца з божай міласэрнасцю», — расказаў арцыбіскуп Кандрусевіч.

У асобных епархіях «святая брама» адчыніцца ў нядзелю, 13 снежня. Напрыклад, у мінскім касцёле Святых Сымона і Алены (Чырвоны касцёл) у гэты дзень у 12.30 пачнецца набажэнства, падчас якога мінчукі пачуюць урывак папскай булы з аб'яўленнем Года міласэрнасці. Пасля набажэнства вернікі пройдуць працэсіяй па вуліцах Валадарскага і Камсамольскай да архікафедральнага касцёла Найсвяцейшай Панны Марыі на плошчы Свабоды, дзе і адбудзецца адкрыццё «дзвярэй міласэрнасці».

У Мінска-Магілёўскай архіепархіі «брама даравання» адчыніцца ў асобных касцёлах і санктуарыях Мінска, Магілёва і Будслава, у Гродзенскай епархіі — у Гродне і Лідзе, у Віцебскай — у Віцебску і Браславе, а ў Пінскай — у Пінску, Гомелі, Баранавічах і Брэсце.

0
_ / Адказаць
08.12.2015 / 16:44
Осталась самая мелочь - не пустить двух ангелов в церковь и не дать сгинуть всему сущему =))
0
Бася / Адказаць
08.12.2015 / 17:06
боже, как классно..народу будет море
0
Мордехай В. / Адказаць
08.12.2015 / 17:45
Бяслпатна? Па ўсім свеце? Ані дэмпінгуют!
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру