28.03.2008 / 12:35

Беларускую вечарыну ў Брусэлі наведалі 60 чалавек 2

Вечарыну, што адбылася 26 сакавіка, на наступны дзень пасля брутальнага разгону мірнай дэманстрацыі ў Менску, прысвечанай 90-гадоваму юбілею абвяшчэння БНР, наведалі каля 60 чалавек, каб паслухаць вядомую беларускую журналістку Наталлю Макушыну. Сп. Наталля Макушына распавяла пра невыносна цяжкія ўмовы, у якіх даводзіцца працаваць незалежным СМІ Беларусі, прывяла прыклады рэпрэсій, праз якія давялося прайсці яе калегам і ёй асабіста.

На жаль, яе словы чарговы раз пацвердзіліся на наступны дзень пасля дыскусіі, калі КДБ зладзіў шматлікія ператрусы на офісах незалежным медыяў і ў прыватных кватэрах іх карэспандэнтаў у Беларусі.

Услед за сп. Макушынай, беларускі літаратар Альгерд Бахарэвіч зачытаў сваё апавяданне “Талент заікання”. Госці сустрэчы мелі магчымасць атрымліваць асалоду ад мілагучнасці беларускай мовы, адначасова сочачы за тэкстам па нямецкім і ангельскім перакладах .

Адмыслова запрошанай госцяй імпрэзы была знакамітая журналістка і перакладчыца з Лондану Вера Рыч, якая займаецца Беларуссю ўжо больш за 50 год. Спадарыня Рыч зачытала колькі перакладаў са зборніка “Верш на Свабоду”, а таксама падаравала аўдыторыі свой уласны паэтычны твор.

Вечарына была зладжаная сумеснымі высілкамі “Офіса за дэмакратычную Беларусь”, Хансэ-Офіса (Hanse-office in Brussels) і Гамбургскай фундацыі па падтрымцы палітычна пераследаваных (Hamburger Stiftung fur politisch Verfolgte).

0
Gorliwy Litwin / Адказаць
29.03.2008 / 19:58
пазначалі б аўтараў: "асалода ад мілагучасці" - такая знаходка, што хочацца выразіць персанальную ўдзячнасць.
0
Прачытаў / Адказаць
30.03.2008 / 00:25
Нармальна, па-беларуску напісана Усім бы такое валоданьне мовай
Каб пакінуць каментар, калі ласка, актывуйце JavaScript у наладах свайго браўзеру