09.12.2015 / 19:13

«РусНефць» Міхаіла Гуцарыева хоча развіваць сетку АЗС у Беларусі 2

Нафтавая кампанія «РусНефць» плануе развіваць уласную сетку АЗС не толькі ў Расіі, але і ў Беларусі, паведаміў старшыня савета дырэктараў ААТ «НК «РусНефць» асноўны акцыянер кампаніі Міхаіл Гуцарыеў у эфіры тэлеканала «Россия 24». 

«Сёння мы не маем рознічнай сеткі. Але ў сувязі з мадэрнізацыяй Орскага НПЗ, калі мы даможамся глыбіні перапрацоўкі 90%, калі нашы бензіны будуць адпавядаць сусветнаму стандарту, то мы пачнем актыўна развіваць сетку не толькі тут, але і ў Беларусі, і ў іншых рэгіёнах», — сказаў Гуцэрыеў. 

У прыватнасці, паводле яго слоў, «РусНефць» мае намер удзельнічаць у конкурсах на прыватызацыю АЗС у Беларусі. 

«У Беларусі найбліжэйшым часам чакаецца некалькі конкурсаў, дзяржава будзе прадаваць запраўкі, наколькі мы маем інфармацыю», — адзначыў Гуцарыеў. 

Паводле яго слоў, гаворка ідзе аб продажы больш як 50 АЗС ужо ў снежні. 

«Будзем удзельнічаць у конкурсах і, думаю, выйграем. Я цяпер не ведаю ўмоў, але мы гатовыя плаціць больш за іншых, аднак не настолькі, каб гэта акуплялася больш як пяць гадоў», — падкрэсліў расійскі бізнэсмен.

Хочаш падзяліцца важнай інфармацыяй ананімна і канфідэнцыйна?

0
Ляксей / Адказаць
13.12.2015 / 22:17
Спадзяюся на тое, каб нічога не выйралі, і засталіся там, адкуль ўзялісь. Мне беларускіх АЗС нехапае, не кажучы аб тым, як дасаджаюць русскія падчас
0
Andrew / Адказаць
18.12.2015 / 15:46
Солидарен с комментирующим выше. Зачем чужое если есть свое и очень близкое. Хотя и нашим надо подтягиаваться - по белорусски говорит только одна сеть
Каб пакінуць каментар, калі ласка, актывуйце JavaScript у наладах свайго браўзеру