09.12.2015 / 20:26

Дональд Трамп прапанаваў закрыць інтэрнэт 20

Прэтэндэнт на пасаду прэзідэнта ЗША Дональд Трамп прапанаваў закрыць інтэрнэт. Такую заяву ён зрабіў, выступаючы на агітацыйнай сустрэчы перад выбаршчыкамі ў Паўднёвай Караліне, перадае NBC News.

Reuters

На думку палітыка, такая мера дапаможа ў барацьбе з экстрэмістамі, якія вярбуюць амерыканскіх грамадзян у тэрарыстычныя арганізацыі. Ён заявіў: «Мы губляем многіх праз інтэрнэт». Трамп лічыць, што для закрыцця інтэрнэту трэба пагаварыць з Білам Гейтсам і іншымі людзьмі, «якія па-сапраўднаму разбіраюцца ў тым, што адбываецца».

Дональд Трамп пры гэтым адзначыў, што хто-небудзь абавязкова скажа, быццам яго прапанова парушае права на свабоду слова. Аднак палітык адразу адказаў на падобную крытыку: «Гэта дурныя людзі».

Раней Белы дом заклікаў рэспубліканцаў, якія падтрымліваюць кандыдатуру Дональда Трампа, не вылучаць яго ў якасці кандыдата на будучых прэзідэнцкіх выбарах і неадкладна выключыць з партыі. Падставай паслужылі выказванні палітыка пра тое, што мусульманам неабходна забараніць уезд у ЗША.

Мільярдэр Дональд Трамп з'яўляецца кіраўніком найбуйнейшай будаўнічай кампаніі ў ЗША, а таксама ўладальнікам сусветнай сеткі гатэляў і казіно. На сёння Трамп — фаварыт прэзідэнцкай гонкі з боку рэспубліканцаў.

Хочаш падзяліцца важнай інфармацыяй ананімна і канфідэнцыйна?

0
!!! / Адказаць
09.12.2015 / 20:32
Ржу не могу
0
Індарук / Адказаць
09.12.2015 / 20:33
Дык наш у параўнанні з гэтым проста вундэркінд. Нечакана. Ну яе, гэтую Амэрыку.
0
Канторскі троль / Адказаць
09.12.2015 / 20:39
Не толькі Эўропа прачынаецца, але і аплот усясветнай дэмакратыі паўстае супроць дыктатуры лявацкага фашызму. Налета адбудуцца выбары і ў Нямеччыне, дзе таксама чакаецца трыумф Правага Рэваншу. Нам выпаў гонар жыць у пераломныя гістарычныя часы.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру